Śledčy kamitet: «Sistematyčna atrymlivaŭ ad słužbovych asob orhanaŭ unutranych spraŭ kaštoŭnaści i hrašovyja srodki».
Śledčy kamitet Biełarusi vyjaviŭ novyja fakty supraćpraŭnaj dziejnaści byłoha namieśnika ministra ŭnutranych spraŭ — načalnika milicyi hramadskaj biaśpieki Jaŭhiena Południa, paviedamili karespandentu BIEŁTA u adździele infarmacyi i suviazi z hramadskaściu kamiteta.
«Pry rasśledavańni kryminalnaj spravy ŭstanoŭlena, što Jaŭhien Połudzień sistematyčna na praciahu doŭhaha pieryjadu času atrymlivaŭ ad słužbovych asob orhanaŭ unutranych spraŭ materyjalnyja kaštoŭnaści i hrašovyja srodki», — rastłumačyli ŭ adździele infarmacyi.
U suviazi z hetym u dačynieńni da Jaŭhiena Południa ŭzbudžanaja kryminalnaja sprava pa prykmietach złačynstva, praduhledžanaha č.3 art.426 KK (pieravyšeńnie ŭłady abo słužbovych paŭnamoctvaŭ asobaj, jakaja zajmaje adkaznaje stanovišča).
Hetaja kryminalnaja sprava złučana z raniej raspačataj.
Jak raniej paviedamlała BIEŁTA, kryminalnaj spravy pa č.3 art.424 «Złoŭžyvańnie ŭładaj abo słužbovymi paŭnamoctvami» KK u dačynieńni da Jaŭhiena Południa była raspačataja 8 śniežnia 2011 hoda, u hety ž dzień jon byŭ uziaty pad vartu.
Padstavaj dla spravy na Jaŭhiena Południa stali dadzienyja, jakija pakazvajuć na prykmiety złačynstvaŭ, u suviazi z vyjaŭlenymi nieadnarazovymi faktami złoŭžyvańnia namieśnikam ministra z karyślivaj i inšaj asabistaj zacikaŭlenaści svaimi słužbovymi paŭnamoctvami.Złoŭžyvańnia paciahnuli pryčynieńnie škody dziaržaŭnaj ułasnaści ŭ bujnym pamiery i istotnuju škodu dziaržaŭnym intaresam u vyhladzie dyskredytacyi orhanaŭ ułady.
Jaŭhien Połudzień 27 śniežnia byŭ vyzvaleny ad pasady namieśnika ministra ŭnutranych spraŭ — načalnika milicyi hramadskaj biaśpieki i zvolnieny z orhanaŭ unutranych spraŭ u zapas Uzbrojenych Sił u suviazi sa ździajśnieńniem pravinaŭ, što dyskredytujuć zvańnie supracoŭnika orhanaŭ unutranych spraŭ.
Kamientary