Na «Jeŭrabačańnie-2012» hurt pajedzie ź pieśniaj We Are The Heroes, jakaja, mahčyma, taksama źviedaje niekatoryja źmianieńni, paviedamiŭ Karakin. Pavodle jaho słoŭ, zaraz hurtu nieabchodna «'chutka źniać jakasny klip na hetu pieśniu».
«Dzie my budziem zdymać klip i chto budzie pracavać nad numaram, my daviedajemsia litaralna na dniach, — zaznačyŭ Karakin. — My vielmi chočam pracavać z hrečaskaj kampanijaj, jakaja staviła numar Ani Łorak. Spadziajemsia, što atrymajecca».
Hurt taksama pačaŭ pracavać nad kancepcyjaj pijar-kampanii ŭ Jeŭropie. «Heta klučavy momant pracy na „Jeŭrabačańni“. Viadoma, možna spadziavacca, što my vyjdziem i ŭsich zavajujem, ale treba i zahadzia rychtavacca. U nas jość fan-kłuby za miažoj, jany rastuć, i hetyja ludzi buduć za nas hałasavać abaviazkova», — paviedamiŭ muzykant.
Zavajoŭvać papularnaść siarod jeŭrapiejskich słuchačoŭ hurt płanuje taksama z dapamohaj proma-turaŭ, ratacyi na radyjo- i telekanałach, zaznačyŭ Karakin.
Raskład jeŭrapiejskaha turne, pavodle jaho słoŭ, chutčej za ŭsio, stanie viadomy da siaredziny sakavika. Jon budzie składacca, kali poŭnaściu sfarmirujecca kamanda dla pracy z hurtam, padkreśliŭ salist Litesound.
Nahadajem, pieršapačatkova pradstaŭlać Biełaruś na «Jeŭrabačańni-2012» pavinna była Alona Łanskaja, jakaja 14 lutaha pieramahła ŭ finale nacyjanalnaha adboračnaha konkursu «Jeŭrafest». Adnak paźniej źjaviłasia infarmacyja, što vyniki konkursu mahli być padtasavanyja. Alaksandr Łukašenka stvaryŭ śpiecyjalnuju kamisiju, jakoj było daručana razabracca ŭ tym, nakolki abjektyŭna byŭ vyznačany pieramožca «Jeŭrafestu». Na naradzie 24 lutaha Łukašenka zajaviŭ, što vyniki finału konkursu akazalisia padtasavanymi, a sapraŭdny pieramožca — hurt Litesound.
Kamientary