Češski ŭrad padtrymaŭ prapanovu nazvać pražski aeraport imiem prezidenta Čechasłavakii, a zatym Čechii Vacłava Haŭła.
Adrazu paśla śmierci Haŭła 18 śniežnia letaś z takoj idejaj vystupiŭ režyser Fiera Fienič. Ideja znajšła jak šyrokuju padtrymku, tak i apanientaŭ. Tak, adzin z byłych sakrataroŭ Haŭła ahitavaŭ nazvać jaho imiem nie aeraport (bo Haveł nibyta bajaŭsia lotać), a niejkuju kulturnuju ŭstanovu. Udava prezidenta Dahmar Haŭłava padtrymała prajekt lotnišča. Pavodle ministra šlachoŭ znosin Čechii Paŭła Dobieša, novaje imia aeraport moh by mieć ad kastryčnika.
Tradycyja nadańnia imionaŭ pamierłych lidaraŭ mienavita aeraportam daŭno pašyranaja ŭ śviecie. Tak, u Francyi źjaviŭsia aeraport Šarla de Hola, u Ńju Jorku – Džona Ficžeralda Kienedzi, u Indyi – Indziry Handzi. U niekatorych vypadkach imiony prysvojvalisia i jašče pry žyćci słavutych asobaŭ: u 2004 hodzie hdański aeraport atrymaŭ imia Lecha Vałensy.
Kamientary