Z 1 krasavika daražejuć cyharety ź filtram

U Biełarusi ad 1 krasavika 2012 asobnyja marki (u asnoŭnym impartavanych) cyharetaŭ padaražejuć u siarednim na 3,8–5%.

Ab pavyšeńni cenaŭ na impartavanyja cyharety z 1 krasavika abviaścili TAA «Tytuń Inviest», dziaržaŭnaje pradpryjemstva «Biełaruśhandal», AAT «Hrodzienskaja tytuniovaja fabryka «Nioman «.

Pavieličeńnie cenaŭ na cyharety zakranie tolki asobnyja vidy. Ceny na cyharety pieršaj cenavaj hrupy koštam da Br3500 za pačak zastanucca bieź źmienaŭ. Havorka idzie ab pavyšeńni z 1 krasavika maksimalnych roźničnych cenaŭ na niekatoryja marki cyharet ź filtram. Heta abumoŭlena akcyznaj palitykaj, rastłumačyli ŭ kancernie «Biełdziaržcharčpram».

Tak,

cyharety Hrodzienskaj tytuniovaj fabryki «Nioman» pieršaj cenavaj hrupy «Minsk Superslims», «Minsk 5 Superslims» padaražejuć z Br3200 da Br3350, NZ 8, NZ 10 — z Br3250 da Br3350, NZ Black Gold — z Br3200 da Br3350 (na 5%), «Fest», «Fest 7» — z Br2600 da Br2700 (na 3,8%). Cana cyharet druhoj cenavaj hrupy Queen Charm, Queen Elegance, Queen Menthol vyraście z Br3200 da Br3350, Queen Elite Superslims — z 3200 da Br3350 (na 5%). Cana cyharet NZ Black Comrast, NZ Gold Comrast składzie Br4600.

Da Br4700 vyraście cana na cyharety Portal Superslims Gold, Portal Superslims Silver.

Dziaržaŭnaje pradpryjemstva «Biełaruśhandal» abviaściła ab ŭstalavańni cenaŭ na impartavanyja cyharety ŭ treciaj cenavaj hrupie na ŭzroŭni Br14, 5 tys. — Br16 tys. Heta ŭ asnoŭnym novyja marki, jakija zavoziacca. Cana na cyharety liniejki West Fusion zastaniecca taja ž, što ŭ sakaviku, — Br8, 5 tys. (na 7,6% vyšej, čym u lutym).

U adpaviednaści z ukazam № 72 «Ab niekatorych pytańniach rehulavańnia cen (taryfaŭ) u Respublicy Biełaruś» u Biełarusi z 1 studzienia 2012 h. admieniena cenavaje rehulavańnie na tytuniovyja vyraby. Vytvorcy i imparciory sami dekłarujuć maksimalnyja roźničnyja ceny i vypłačvajuć adpaviednuju akcyznych staŭku. Pakolki ŭ suviazi z hetym pytańni rehulavańnia cen ad Ministerstva ekanomiki pierajšli da Ministerstva pa padatkach i zborach, to ajčynnyja vytvorcy tytuniovych vyrabaŭ sami padajuć u miascovyja padatkovyja orhany novy prejskurant cen.

Apošniaje padvyšeńnie cenaŭ na cyharety adbyłosia ŭ sakaviku ŭ siarednim na 2,6–12,1%. U 2011 hodzie ceny na tytuniovyja vyraby padvyšalisia 4 razy — dva razy ŭ červieni i pa adnym razie ŭ vieraśni i listapadzie

• 0
• 0
• 0
• 0
• 0
• 0
• 0
• 0