19 krasavika — rok-opiera na słovy Kupały
Partyju Mulavina śpiavaje Jałfimaŭ.
19 krasavika ŭ Vialikaj zale Biełdziaržfiłarmonii — «Pieśnia pra dolu» Janki Kupały na muzyku Uładzimira Mulavina.
«Pieśniary» stvaryli rok-opieru pavodle Kupałavaj «Adviečnaj pieśni» 35 hadoŭ tamu.
Simvalična, što jaje prezientacyja adbyłasia na toj samaj scenie Fiłarmonii. Sioleta, da
130-hodździa z dnia naradžeńnia Janki Kupały,
rok-opieru vyrašana było pierastvaryć. Ideja novaha pračytańnia opiery naležyć Nacyjanalnamu akademičnamu narodnamu arkiestru Biełarusi imia I. Žynoviča pad kiraŭnictvam narodnaha artysta Michaiła Kazinca. Prajekt
vyjhraŭ hrant Fonda prezidenta Respubliki Biełaruś pa padtrymcy kultury i mastactva.
Cikava, jak śpievaki Piotr Jałfimaŭ i Jan Žančak spraviacca ź niaprostym zadańniem?
U «pieśniaroŭskaj» viersii vakalnuju partyju
Kupały-aŭtara vykonvaŭ Uładzimir Mulavin, a partyju centralnaha piersanaža (abahuleny vobraz biełarusa — Mužyk, Pastušok, Syn, Małady) uvasablali Leanid Bartkievič i Anatol Kašaparaŭ. Siońnia na scenie Fiłarmonii partyju Kupały praśpiavaje Jałfimaŭ, hałoŭnaha hieroja — Žančak.
Režysior novaj viersii opiery — Łarysa Simakovič. Jaje «Hościca» daść tvoru chareahrafičnaje napaŭnieńnie.
Kamientary