Sioleta ŭ Biełarusi budzie začyniena 114 ustanoŭ ahulnaj siaredniaj adukacyi, rearhanizavana — 96, paviedamiŭ namieśnik ministra adukacyi Kazimir Faryno 16 maja napres-kanfierencyi ŭ Minsku.
Pavodle jaho słoŭ, najpierš heta małakamplektnyja škoły ŭ sielskaj miascovaści, «isnavańnie jakich źjaŭlajecca adnoj z važnych prablem u sistemie adukacyi».
Siońnia ŭ Biełarusi 594 škoły, ci bolš za 17% ad usich ustanoŭ ahulnaj siaredniaj adukacyi, majuć napaŭnialnaść da 50 navučencaŭ, 807 škoł, ci 23%, — ad 50 da 100.
Za piać hadoŭ było zakryta 450 škoł, rearhanizavana — 543. Pry rearhanizacyi siarednija škoły hałoŭnym čynam pierachodzili ŭ bazavyja, a bazavyja — u pačatkovyja, ale časam adznačaŭsia i zvarotny praces.
«Pierš čym rearhanizavać ci zakryć škołu, my pravodzim vialikuju arhanizacyjnuju pracu, pradumvajem, kab jakaść adukacyi tolki palepšyłasia, byli vyrašany kadravyja pytańni, pytańnie padvozu navučencaŭ», — śćviardžaje Faryno. Budynki zakrytych ustanoŭ adukacyi, jak praviła, zastajucca ŭ sistemie ministerstva. Jany mohuć być vykarystany, naprykład, dla raźmiaščeńnia ŭstanovy dadatkovaj adukacyi.
U nastupnym hodzie Minadukacyi sumiesna ź Ministerstvam transpartu i kamunikacyj maje namier udaskanalić sistemu padvozu vučniaŭ, zajaviŭ Faryno. Adpaviednaje daručeńnie dadziena Saŭminam. Za apošnija piać hadoŭ było nabyta 776 aŭtobusaŭ. Usiaho dziaciej štodnia padvoziać bolš za 1 tys. 200 aŭtobusaŭ. Adnak isnujuć prablemy miedycynskaha ahladu vadzicielaŭ, techničnaha stanu aŭtobusaŭ, štodzionnaha techničnaha absłuhoŭvańnia transpartnych srodkaŭ.
Usiaho ŭ Biełarusi 3 tys. 433 škoły, u tym liku pačatkovych — 198, bazavych — 527, siarednich — 2 tys. 450, himnazij — 216, licejaŭ — 26, kadeckich vučyliščaŭ — 8,
-
«Biełavija» admianiła rejs u Tel-Aviŭ. A ŭ Dochu adpraviać pusty samalot, jaki zabiare biełaruskich turystaŭ
-
Ruku minčanki zaciahnuła ŭ ciestaraskatvałku: vyzvalać žančynu daviałosia z dapamohaj bienzareza
-
Zamiest štrafu za samahon — kryminalnaja sprava: na Słuččynie žančyna raśpichała chabar pa kišeniach učastkovym pakul jaje zdymali na kamieru
Kamientary