Za karotki čas rasijskaja pramaja dapamoha Biełarusi pa roznych kanałach skłała pryblizna 5 młrd. dołaraŭ, zajaviŭ prezident Rasii Uładzimir Pucin na sustrečy z Alaksandram Łukašenkam u pašyranym składzie, što prachodzić 31 maja ŭ rezidencyi «Zasłaŭje».
«My bačym, jakija niaprostyja, ale absalutna pravilnyja rašeńni prymaje kiraŭnictva Biełarusi dla vyrašeńnia prablem. Vyniki, jakija zaraz pačynaje demanstravać ekanomika Biełarusi, jašče pakažuć siabie ŭ chutkim časie», — skazaŭ Pucin.
Pavodle jaho słoŭ, rasijski bok kanstatuje, što biełaruskaja ekanomika zaraz pracuje z praficytam. Heta adbyvajecca ŭ tym liku dziakujučy tamu, što sumiesnyja namahańni ŭ miežach Adzinaj ekanamičnaj prastory i dziejańni ŭrada Biełarusi «dajuć pra siabie viedać».
«Nie apošniuju rolu adyhrała i naša rašeńnie ŭ śfiery enierhanośbitaŭ», — zaznačyŭ Pucin. Jon padkreśliŭ, što kali ŭ 2011 hodzie Biełaruś płaciła za rasijski haz pryblizna 280 dołaraŭ ZŠA za tysiaču kubamietraŭ, to sioleta — 165,5 dołara.
Pucin kanstatavaŭ, što palityčny dyjałoh pamiž dźviuma krainami zastajecca na samym vysokim uzroŭni. Jon paviedamiŭ, što ŭ lipieni čakajecca pryjezd u Biełaruś staršyniaŭ abiedźviuch pałat Fiederalnaha schodu Rasii.
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads13
Kamientary