Buchaj pa-biełarusku: u Babrujsku vinom «Biełaruski pačastunak» papularyzujuć movu
«Čarniła» ŭ Babrujsku budzie «biełaruskamoŭnaje».
Dva hady tamu ŭłady horadu zachacieli papularyzavać biełaruskuju movu i zaćvierdzili “Kompleks zachadaŭ” da 2012 h. Ciapier pa-biełarusku nazyvajucca adzinkavyja ŭstanovy i pradukty.
Takija zdabytki biełarusizacyi pieraličanyja ŭ aficyjnym adkazie vykankamu, jaki atrymali žychary Babrujsku. Nahadajem, što žadańnie babrujskich siabraŭ Tavarystva biełaruskaj movy supała ź idejami raspracoŭnikaŭ zhadanaj Kancepcyi. Ludzi źbirali podpisy pad prapanovami zrabić biełaruskamoŭnyja šyldy z nazvami vulicaŭ, Pałacu šlubu, karcinnaj halerei, kramaŭ, punktaŭ charčavańnia. Taksama prasili vyrablać na rodnaj movie bolš sacyjalna-patryjatyčnych banieraŭ z cytatami piśmieńnikaŭ, u tym liku babrujskich.
Na biełaruskuju movu niama hrošaj – voś što adkazaŭ na list z prapanovaju ad haradžanaŭ namieśnik staršyni harvykankamu Alaksandr Makarčaŭ.
“U 2010 h. byŭ pryniaty kompleks zachadaŭ na dva hady dziela papularyzacyi biełaruskaj movy, i jany byli prapanavanyja ŭstanovam i pradpryjemstvam. U tym liku było prapisanaje vykarystańnie dźviuch movaŭ u najmieńniach vulicaŭ i płoščaŭ, – pryhadvaje čynoŭnik. – Ale toje, što my majem, było zroblena da pryniaćcia kompleksu. A zamiena starych šyldaŭ na novyja ciapier niemahčymaja, bo ŭ biudžecie na heta niama srodkaŭ”.
U liście čynoŭnik chvalicca zdabytkami biełarusizacyi ŭ Babrujsku. Heta kramy “Krasavik” (nasamreč na šyldzie napisana “Krasavik”), “Słodyč”, “Śvitanak”. U horadzie jość rekłama “Kuplajcie biełaruskaje”, “Zroblena na Mahiloŭščynie”. Da dziaržaŭnych śviataŭ robiać biłbordy na dźviuch movach.
Babrujski zavod napojaŭ vyrablaje pładovyja viny “Nieścierka”, “Biełaruski pačastunak” i “Jabłyčna-suničnaje”. Dy chlebazavod z fabrykaju “Čyrvony charčavik” vypuskajuć niekatoryja tavary z nazvami na movie.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary