Kiraŭnik presavaj słužby: prezydent znachodzicca ŭ svajoj rezydencyi ŭ Miensku, prymaje čynoŭnikaŭ i pracuje z dakumentami.
«Kiraŭnik dziaržavy znachodzicca ŭ svajoj rezidencyi ŭ Minsku, prymaje čynoŭnikaŭ z dakładami, pracuje z dakumientami. Usio ŭ zvyčajnym režymie», — paviedamiŭ BiełaPAN kiraŭnik presavaj słužby prezidenta Pavieł Lohki.
Apošnimi dniami ŭ interniecie źjavilisia čutki ab tym, što Alaksandr Łukašenka daŭno nie źjaŭlajecca na publicy z‑za prablem sa zdaroŭjem. Apošni raz prezidenta pakazvali pa telebačańni 10 sakavika, kali jon adkryvaŭ harnałyžny kompleks u Čyrvonaj Palanie (Rasija).
«Čutki ŭ hetaj situacyi — zrazumiełaja i naturalnaja reč, absalutna naturalny praces. Varta tolki niekalki dzion kiraŭniku dziaržavy nie źjaŭlacca na ekranach, jak tut ža pačynajucca ŭsialakaha kštałtu domysły», — skazaŭ P.Lohki.
Jon taksama nie paćvierdziŭ infarmacyju, raspaŭsiudžanuju šeraham ŚMI sa spasyłkaj na MZS Vjetnama, ab tym, što vizit A.Łukašenki ŭ hetuju krainu 25‑27 sakavika byŭ admienieny pa prośbie biełaruskaha boku. «Vizit byŭ zapłanavany, ale na hety momant u mianie niama infarmacyi ab kankretnych terminach vizitu», — skazaŭ kiraŭnik pres‑słužby prezidenta.
Kamientary