Pra heta Radyjo Svaboda paviedamiŭ namieśnik staršyni AHP Leŭ Marholin.
Usiaho AHP vyłučyć na vybary nie mienš za 50 tak zvanych śpikieraŭ (kandydataŭ). Vyłučacca budzie i staršynia partyi Anatol Labiedźka, i pieravažnaja balšynia partyjnaj Palitrady.
«Siońnia-zaŭtra my pryznačym pazačarhovy źjezd AHP dla vyłučeńnia našych śpikieraŭ u jakaści kandydataŭ u deputaty. Ja dumaju, što źjezd adbudziecca naprykancy lipienia. Taksama my praviadziem pasiadžeńnie palitrady dla taho, kab vyłučyć našych kandydataŭ u skład akruhovych kamisij. Heta takaja davoli abjomnaja sprava. Abłasnyja rady taksama pavinny vyłučyć svaich pradstaŭnikoŭ u skład učastkovych kamisij. Tyja z našych śpikieraŭ, chto budzie farmavać inicyjatyŭnyja hrupy, taksama heta pavinny zrabić da siaredziny lipienia. My rychtujem materyjały, jakimi budziem davodzić ludziam pra stan siońniašniaj demakratyi ŭ krainie, pra adsutnaść realnych vybaraŭ. I pra toje, što sumlennyja, prazrystyja vybary — heta adziny šlach da novaj Biełarusi, taksama da materyjalnaha dabrabytu. Nam vielmi važna, kab naša dumka prahučała najbolš aŭtarytetna z vusnaŭ takich ludziej, jak Anatol Labiedźka i Stanisłaŭ Bahdankievič».
Kamientary