2,5 tys. čałaviek padpisalisia z patrabavańniem rasśledavać žyvadziorstva bakłanaŭ
16 červienia ŭ Čašnickim rajonie Viciebskaj vobłaści arnitołahi znajšli dziasiatki maładych ptušak z adrezanymi nadździubkami.
Bolš za dźvie z pałovaj tysiačy čałaviek padpisali pietycyju z patrabavańniem ad prakuratury Viciebskaj vobłaści nieadkładna pačać rasśledavańnie ŭ suviazi z žyvadziorstvam nad ptušaniatami bakłanaŭ u Čašnickim rajonie, jakim nieviadomyja adrazali dziuby.
16 červienia ŭ Čašnickim rajonie Viciebskaj vobłaści arnitołahi znajšli dziasiatki maładych ptušak z adrezanymi nadździubkami, jakija siadzieli na halinkach dreŭ u razburanaj źmiešanaj kałonii bakłana, šeraj i biełaj čapli. Pavodle acenak arnitołahaŭ, jakija pravodzili daśledavańni i kalcavali ptušak, litaralna za niekalki dzion da hetaha zdareńnia kolkaść bakłana tut składała 150–200 par. Mnohija hniozdy na hetaj kałonii raźmiaščalisia nizka, što dazvoliła nieviadomym lohka dastavać ci stresvać ptušaniat z hniozdaŭ.
Pavodle danych ekołahaŭ, štohod biełaruskija rybhasy ŭstanaŭlivajuć uznaharody za zdabyču ptušak, niepažadanych dla rybnaj haspadarki. U hetym śpisie fihurujuć dva rybajadnych vidy — vialiki bakłan i šeraja čapla. Paćviardžeńniem zdabyčy źjaŭlajecca zdadzienyja nadździubki ci łapki žyvioł.
U suviazi ź incydentam Iryna Siniapkina z Bresta pačała na sajcie Change.org kampaniju pa zbory podpisaŭ pad pietycyjaj u Viciebskuju abłasnuju prakuraturu z patrabavańniem rasśledavać hety vypadak i pryciahnuć vinavatych da adkaznaści.
«Ja prykładna hod zajmajusia abaronaj žyvioł. Ja ŭžo bačyła i viedaju, jakimi cyničnymi mohuć być ludzi ŭ adnosinach da ich. Ale z takoj žorstkaściu ja nie sustrakałasia nikoli!» — paviedamlaje Siniapkina na sajcie.
«Heta kampanija — pramy adkaz biełarusaŭ tym žorstkim i cyničnym „nieviadomym“, jakija zrabili taki žudasny ŭčynak,— napisaŭ Dźmitryj Saviełaŭ, kaardynatar kampanij va Uschodniaj Jeŭropie i Centralnaj Azii. — A jašče heta prykład taho, jak žychary našaj krainy mohuć sabracca razam, zrabić svoj hołas značnym i dać adpor luboj niespraviadlivaści».
Change.org — heta hłabalnaja płatforma, na jakoj miljony ludziej (i bolš jak 500 tysiač novych udzielnikaŭ u miesiac) stvarajuć svaje i padtrymlivajuć užo isnyja kampanii dla sacyjalnych pieramien u svajoj supolnaści, horadzie ci krainie.
-
Ivan Prus raskazaŭ, jak nažyŭsia na 200 dalaraŭ, pasialiŭšy kinazorku va ŭbitaj kvatery kala zvałki ŭ Šabanach, abstaŭlenaj rečami ź jaho internata
-
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary