Prykłady parušeńniaŭ technałohii sustrakajucca ledź nie na kožnym kroku.
Karespandent «NN» prajšoŭsia pa centralnych vulicach stalicy ad Załatoj horki da Čyhunačnaha vakzała. Začepkaj dla repartažu staŭ kanalizacyjny luk nasuprać kramy «Akijan», što na pierasiačeńni praśpiekta Niezaležnaści i vulicy Kazłova. Luk amal pravaliŭsia pad ziamlu. Jaho abaznačyli bieła-čyrvonaj stužkaj i lohkaj aharodžaj jašče niekalki dzion tamu.
Supadzieńnie ci nie, ale praź niekalki hadzin paśla taho, jak karespandent «NN» sfatahrafavaŭ avaryjnaje miesca, pravał likvidavali.
Nastupny punkt — pravał plitki kala kijoska «Biełsajuzdruku» niepadalok ad kaviarni «Łondan». Heta ŭ baku ad ažyŭlenych chodnikaŭ praśpiekta, ale ŭ vočy kidajecca i vyhladaje niepryhoža.
Zbočvajem na Kamsamolskuju. Uzdoŭž ściany kramy optyki Fielmann dobra bačnaje prasiadańnie plitki. Uvohule, chodniki tut vyhinastyja niby paśla ziemlatrusu.
Prasiadańnie plitki na chodnikach traplajecca i kala korpusa chimičnaha fakulteta BDU na Leninhradskaj. Tut štodnia chodziać tysiačy ludziej. Avaryjnaje miesca nie aharodžanaje.
Varta zaŭvažyć, što adšukać padobnyja miescy nie składaje vialikaj ciažkaści. Bolšaść ź ich navidavoku. Troški ŭvahi i robicca vidavočna, što prykłady parušeńniaŭ technałohii sustrakajucca ledź nie na kožnym kroku.Samyja raspaŭsiudžanyja — niaroŭnaści. U centry stalicy ciažka znajści navat nie idealna, a choć by adnosna roŭny, biez harboŭ i niaroŭnaściaŭ učastak chodnikaŭ. Asabliva heta robicca zaŭvažnym paśla daždžu, kali pravały zapaŭniajucca vadoj.
Kamientary