500 biaspłatnych biletaŭ, vyłučanych Biełarusi i Rasii, skanfiskavała narviežskaja palicyja.
Biaspłatnyja kvitki, vyjaŭlenyja ŭ Osła, biełaruski NAK, pa słovach vice-premjera, nie atrymlivaŭ. Pra heta paviedamiŭ pres-sakratar Ministerstva sportu i turyzmu Uładzimir Nieściarovič sa spasyłkaj na namieśnika premjer-ministra Anatola Tozika, jaki znachodzicca ŭ Łondanie, paviedamlaje BiełaPAN.
Nahadajem, učora supracoŭniki narviežskaj palicyi kanfiskavali ź niezakonnaha abarotu kala tysiačy biletaŭ na Alimpijskija hulni.
Pieršapačatkova kvitki byli vyłučanyja arhkamitetam hulniaŭ dla Nacyjanalnych alimpijskich kamitetaŭ Biełarusi i Rasii. Častku ź ich pasprabavaŭ zavieźci ŭ Narviehiju hramadzianin Polščy. U jaho palicyja znajšła kala 500 kvitkoŭ. Jašče kala 400 kvitkoŭ byli kanfiskavanyja z paštovaj pasyłki.
Kvitki, vydzielenyja rasijskamu i biełaruskamu arhkamiteta, byli admysłova paznačanyja, jak nie pryznačanyja dla prodažu.
Čorny rynak handlu alimpijskimi kvitkami kvitnieje ŭ časie kožnych hulniaŭ.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary