KDB Biełarusi farmalizavaŭ paradak abmiežavańnia vyjezdu hramadzian krainy, jakija stajać na prafiłaktyčnym uliku ŭ orhanach dziaržbiaśpieki.
U adpaviednaści z pastanovaj KDB № 32, apublikavanaj na sajcie Nacyjanalnaha centra pravavoj infarmacyi, rašeńnie ab časovym abmiežavańni prava hramadzian Biełarusi, jakija znachodziacca na prafiłaktyčnym uliku ŭ KDB, na vyjezd z krainy prymajuć načalniki orhanaŭ dziaržaŭnaj biaśpieki i ich namieśniki.
Hetyja ž asoby majuć prava pryniać rašeńnie ab źniaćci časovaha abmiežavańnia i ab dazvole hramadzianinu, adnosna jakoha pryniatyja adpaviednyja abmiežavańni, vyjezdu ź Biełarusi na peŭny termin.
Ab pryniatym rašeńni pra časovaje abmiežavańnie prava hramadzian na vyjezd ź Biełarusi albo ab źniaćci takoha abmiežavańnia hramadzianinu nakiroŭvajecca paviedamleńnie pavodle zaćvierdžanaj formy.
Kiraŭnik Biełarusi ŭ pačatku lipienia svaim ukazam daŭ KDB prava ŭnosić u bank dadzienych asobaŭ, jakim abmiežavany vyjezd za miažu, hramadzian krainy, jakija znachodziacca na prafiłaktyčnym uliku ŭ orhanach dziaržbiaśpieki. Miž tym 27 lipienia kiraŭnik Biełarusi pryniaŭ ukaz № 333, jaki, u pryvatnaści, dazvalaje admović u vydačy pašparta hramadzianinu Biełarusi, jaki ŭžo znachodzicca za jaje miežami, u vypadku abmiežavańnia jahonaha prava na vyjezd.
Kamientary