Piatro Kraŭčanka zaklikaŭ vykupić «Małuju padarožnuju knižycu» Skaryny
Jana znachodzicca ŭ minskaha miljaniera, jana moža kaštavać ad 300 tys. da 500 tys. dalaraŭ.
U časie prezientacyi knihi Uładzimira Arłova i Źmitra Hierasimoviča «Vialikaje Kniastva Litoŭskaje. Ilustravanaja historyja» były ministr zamiežnych spraŭ Biełarusi Piatro Kraŭčanka źviarnuŭsia z zaklikam pačać zbor srodkaŭ dziela viartańnia adnaho z najkaštoŭniejšych rarytetaŭ — «Małoj padarožnaj knižycy» Francyska Skaryny:
«Niekalki hadoŭ tamu mnie ŭdałosia znajści „Małuju padarožnuju knižycu“.
Ja mahu skazać, što siońnia heta vydańnie znachodzicca ŭ Minsku. U adnaho z našych miljanieraŭ — jość u nas takija miljaniery — darečy, byłoha žurnalista, jaki prapanuje nabyć hetuju knihu našaj dziaržavie.Heta vialikija hrošy. Na žal, dziaržava nie varušycca, i hetaja kniha moža źniknuć.
„Małaja padarožnaja knižyca“ — heta nie prosta ŭnikat. Hetaje vydańnie na praciahu apošnich 30 hod nie źjaŭlałasia na knižnym rynku Jeŭropy. Ja dumaju, što treba prosta ŭ presie abjavić, što kniha znachodzicca ŭ Minsku i prosta pakrysie, jak heta rabili palaki paśla
Ale možna, kab toj čałaviek, jaki źjaŭlajecca ŭładalnikam toj unikalnaj knihi, adkryŭ rachunak — i davajcie pa adnym dalary, pa piać, pa try, pa dziesiać tysiač, pa piaćdziasiat tysiač, budziem, niachaj nie miesiac, nie hod, nie dva, nie try, niachaj piać hadoŭ, ale budziem uparta źbirać hrošyna toje, kab vykupić hetuju knihu i pieradać jaje ŭ tuju biblijateku. Nie abaviazkova akademičnuju, možna ŭ miascovuju. Ja dumaju, što heta treba zrabić. Voś takija padychody, mnie zdajecca, buduć adyhryvać vielizarnuju rolu ŭ farmavańni našaje nacyi».
Pavodle spadara Kraŭčanki, za vydańniem «palujuć» mnohija kalekcyjaniery. Chto ŭładalnik knihi — jon nie ŭdakładniŭ. Pavodle acenak Piatra Kraŭčanki, ekziemplar «Małoj padarožnaj knižycy» moža kaštavać ad 300.000 da 500.000 dalaraŭ
***
«Małaja padarožnaja knižyca» była nadrukavanaja ŭ Vilni ŭ 1522 h. Jana ŭklučaje «Psałtyr», «Časasłoviec», 8 akafistaŭ i 10 kanonaŭ, «Šaścidnieviec», Sabornik sa «Śviatcami» i «Paschalijaj». Usiaho viadoma pra 7 «knižyc» (biez uliku abjaŭlenaj Kraŭčankam). Całkam nie zachavaŭsia nivodny zbor.
Ciapier čytajuć
Łukašenka patłumačyŭ, čamu jaho nie vidać pa sieradach i subotach16
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary