A Kamitet pa adukacyi «pracuje nad pavieličeńniem zarabotnaj płaty».
Kamitet pa adukacyi Minharvykankama znajšoŭ sposab vyrašyć da novaha navučalnaha hoda prablemu nieŭkamplektavanaści piedahahičnych kadraŭ u sistemie siaredniaj adukacyi.
U škoły nie tolki pryjduć maładyja kadry — vypuskniki piedahahičnych VNU, ale i viernucca staryja — nastaŭniki, jakija ŭžo syšli na piensiju.
Jak zajaviŭ staršynia kamiteta pa adukacyi Minharvykankama Uładzimir Ščerba na
U škołach usie vakansii buduć zakrytyja, skazaŭ Ščerba, adznačyŭšy, što isnuje «niekatory napružańnie pa ŭkamplektavańni stavak nastaŭnikaŭ pačatkovych kłasaŭ».Kab było kamu vučyć dziaciej, płanujecca «zaprasić piensijanieraŭ, vopytnych piedahohaŭ, jakija źjaŭlajucca załatym fondam adukacyi stalicy». Takim čynam, «da 1 vieraśnia zadača ŭkamplektavanaści ŭstanoŭ adukacyi budzie vyrašana», skazaŭ Ščerba.
Charakterna, što niedachop nastaŭnikaŭ pačatkovych kłasaŭ adznačaŭsia i letaś.I tady adnym z sposabaŭ vyrašeńnia hetaj prablemy taksama nazyvałasia praciah kantraktaŭ ź piensijanierami. Płanavałasia taksama pryciahvać da pracy z vučniami małodšych kłasaŭ
Vakansij nastaŭnikaŭ małodšych kłasaŭ u stalicy sapraŭdy vielmi šmat. Zaprašajuć i studentaŭ apošniaha kursu z nastupnym raźmierkavańniem, i piensijanieraŭ. Praŭda,
prapanavanyja zarpłaty nie ŭražvajuć — 2–3 młn. rubloŭ.
Pavodle słoŭ Uładzimira Ščerby, siaredniaja zarabotnaja płata ŭ staličnym adukacyi skłała ŭ červieni 3,5 młn. rubloŭ, a piedahahičnych rabotnikaŭ — 4,1–4,2 młn. rubloŭ.
U škołach kažuć, što ŭ małodšych kłasach na samaj spravie zarablajuć mienš. U pačatkoŭca piedahoha vychodzić nienašmat bolš za 2,5 młn. rubloŭ.Dadajcie siudy śpiecyfiku pracy i atrymajecie adkaz ab pryčynach deficytu kadraŭ.
«Vy ŭjaŭlajecie sabie pracu z maleńkimi dziećmi, jakich treba nie tolki navučyć, ale i ci ledź nie niańčyć? —raspaviała Naviny.by nastaŭnica małodšych kłasaŭ, adkazvajučy na pytańnie, čamu ŭ pačatkovaj škole tak niaprosta z kadrami. — U šeść hadoŭ dzicia patrabuje šmat uvahi, što dla nastaŭnika aznačaje vialikaja napruha ŭ škole. Doma ž treba biaskonca ci ledź nie kožny dzień praviarać sšytki. Heta kantralujecca administracyjaj.
Pryzvyčaić da arfahrafičnaha režymu, advučyć ad dziciačaha sadka malaniat oj jak niaprosta. Dadajcie da hetaha jašče baćkoŭ, upeŭnienych u hienijalnaści svaich dziaciej i zavuča małodšych kłasaŭ, jaki zaŭždy maje racyju.Mnie davodzicca pisać biaskoncyja papiery, płany, spravazdačy. Vy zachočacie pracavać u takoj atmaśfiery za niapoŭnyja try miljony, za jakija jašče treba haziety i časopisy ŭ abaviazkovym paradku vypisać?».
Zastajecca aktualnaj i prablema jakaści padrychtoŭki piedahahičnych kadraŭ,u tym liku dla pracy ŭ małodšaj škole. Praktyki adukacyi z nastalhijaj uspaminajuć ab tym, što ŭ piedahahičnych vučyliščach dla pracy ŭ škole rychtavali lepš, čym va ŭniviersitecie. Adnak ciapier u Minsku piedvučylišča niama, dy i pry masavaj vyšejšaj adukacyi naŭrad ci jany byli b papularnyja.
Navat u Piedahahičny univiersitet nie mohuć nabrać nieabchodnuju kolkaść studentaŭ. Na značnuju kolkaść śpiecyjalnaściaŭ u hetym hodzie nie było konkursu naohuł.
Reanimavać piedahahičnyja vučyliščy nie buduć, choć Biełaruski dziaržaŭny piedahahičny univiersitet rychtuje «niedastatkova śpiecyjalistaŭ», adznačyŭ Uładzimir Ščerba: «My pracujem z univiersitetam, kab jon pavialičvaŭ płan naboru abituryjentaŭ i niejkim čynam pryciahvaŭ abituryjentaŭ».
Akramia taho,
płanujecca viarnuć u škołu tych, chto maje piedahahičnuju adukacyju, ale pracuje nie pa profili.Dla pryciahnieńnia kadraŭ u śfieru adukacyi
ŭ Kamitecie pa adukacyi Minharvykankama «pracujuć nad pavieličeńniem zarabotnaj płaty».
«My dumajem, što pavyšeńnie zarabotnaj płaty dapamoža viarnuć u sistemu adukacyi tych śpiecyjalistaŭ, jakija pracujuć nie pa profili», — skazaŭ Uładzimir Ščerba.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii9
Kamientary