Pytańnie ab adklikańni členaŭ Abjadnanaj hramadzianskaj partyi z akruhovych i ŭčastkovych vybarčych kamisij pakul abmiarkoŭvajecca ŭ partyi. Pra heta 14 žniŭnia na bryfinhu ŭ Minsku paviedamiŭ lidar AHP Anatol Labiedźka.
Jon adznačyŭ, što ŭ vybarčyja kamisii ŭvajšli tolki 13 členaŭ partyi: siem — u akruhovyja, piać — va ŭčastkovyja. U znak pratestu suprać masavaha nieŭklučeńnia členaŭ AHP u vybarčyja kamisii partyja razhladaje pytańnie ab adklikańni ŭsich svaich pradstaŭnikoŭ z kamisij.
«Tut u nas jość dva padychody.Pieršy, prapanavany našymi aktyvistami — radykalny. Heta značyć 15 vieraśnia na źjeździe z vybarčaj dystancyi sychodziać śpikiery, i tady ž my adklikajem členaŭ kamisij. Druhi padychod — pałavinčaty. Źniać členaŭ kamisij tam, dzie ŭ nas nie budzie zarehistravanych śpikieraŭ, i pakinuć na tych akruhach, dzie jany byli zarehistravany», — skazaŭ Labiedźka.
Pavodle jaho słoŭ, členy vybarčych kamisij i naziralniki ad AHP pavinny abjadnać svaje namahańni dla fiksacyi adnaho pytańnia — jaŭki vybarščykaŭ na ŭčastki. «Nas cikavić tolki heta pytańnie — realnaja jaŭka vybarščykaŭ. Tamu što my pracujem na toje, kab jana była nižejšaj za 50%», — zajaviŭ Labiedźka.
Jon adznačyŭ, što AHP padviadzie vyniki vybarčaj kampanii pa troch kryteryjach.«Pieršy — heta kali pa vynikach sacapytańniaŭ nie 70%, jak u 2008 hodzie, a tolki 30–40% zajaviać, što vybary byli adnosna spraviadlivymi, heta budzie aznačać naš pośpiech. Druhi — tam, dzie my realna zmožam nazirać za jaŭkaj vybarščykaŭ, jaŭka pavinna być mienš jak 50%. I treci — kali sacyjołahi zafiksujuć padtrymku kampanii «Za svabodnyja vybary biez „Łukašenki“ ŭ miežach 20–25%», — skazaŭ Labiedźka.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski13
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2424
Kamientary