Piacidziasiatniki abrazilisia na fryvolny artykuł u «SovBielii»
Viernikaŭ aburyŭ artykuł «Iźmieny mohut spasti brak», dzie viałosia pra toje, što zdrada spryjaje sužonstvu i dapamahaje naładzić stasunki pamiž mužam i žonkaj, jakija stracili «vastryniu byłych pačućciaŭ». Svoj adkryty zvarot jany nakiravali ŭ administracyju prezydenta dy redakcyju «Sovietskoj Biełoruśsii».
Artykuł «Iźmieny mohut spasti brak» byŭ źmieščany na staronkach hazety «Sovietskaja Biełoruśsija» 24 studzienia hetaha hodu. U artykule ŭ rubrycy «Naš psichołah» havorycca ab tym, što zdrada spryjaje sužonstvu i dapamahaje naładzić stasunki pamiž mužam i žonkaj, jakija stracili «vastryniu byłych pačućciaŭ».
«Adkryty zvorot — heta našaja rekcyja i abureńnie na źmiest hetaha artykułu, — havoryć Anatol Laško, pastar carkvy «Błahadać» Sajuzu CHVIE h. Stolina. — Heta ž takaja brydota i nieprystojnaść tvorycca. Čamu ŭ hetaj hazecie nichto nie dumaje, jak takija artykuły psujuć našuju moładź? Našaja rola, jak carkvy reahavać na takija rečy i havaryć praŭdu.»
U carkvie, dzie pastaram źjaŭlajecca Anatol Laško, adkryty zvarot padpisali 70 prychadžanaŭ. Takija ž listy z podpisami ŭ Administracyju prezidenta i redakcyju hezety «Sovietskaja Biełoruśsija» nakiravali piacidziesiatnickija cerkvy Stolinskaha rajonu, jakich usiaho naličvajecca kala dvaccaci.
«My źviartajemsia da Prezydenta, da redakcyi «SB — Biełaruś Siehodnia» i chočam nahadać pra adkaznaść pierad hramadztvam, jakuju jany niasuć. My chočam nahadać, što siamja i viera ŭ Boha — heta samaje hałoŭnaje ŭ žyćci luboha čałavieka i hramadzianina.
My zaklikajem redaktaraŭ, aŭtaraŭ i žurnalistaŭ vykarystoŭvać dadzienuju im uładu drukavanaha słova nie dla prapahandy hracha, a dla prapahandy standartaŭ vysokaj marali i praviednaści», — havorycca ŭ zvarocie
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ15
Kamientary