Pravaabaroncu Taćcianu Raviaka apytaŭ «Rubinaŭ», a ź pieratrusam jon ža prychodziŭ jak «Mackievič».
Jak paviedamiŭ pravaabaronca Valancin Stefanovič, siońnia «dla apytańnia pa faktach, jakija majuć značeńnie dla nacyjanalnaj biaśpieki Respubliki Biełaruś» Taćcianu Raviaka vyklikaŭ kapitan KDB Alaksandr Rubinaŭ. Jak vyjaviłasia pry sustrečy, heta słužboviec, jaki ŭ 2011-m, paśla vybaraŭ, pravodziŭ pieratrusy na ofisie viasnoŭcaŭ, kaža Stefanovič. Ale tady ŭ pratakole jon padpisaŭsia jak Alaksandr Mackievič.
Apytvali Raviaku nakont paviedamleńnia «U Mahilovie KDB umiešvajecca ŭ vybarčy praces», raźmieščanym na sajcie spring96.org.U im havorycca pra cisk z boku śpiecsłužby na zborščyka podpisaŭ za alternatyŭnaha kandydata. Rubinava cikaviła, chto aŭtar paviedamleńnia i ci praviarałasia padadzienaja ŭ im infarmacyja. Na dumku Stefanoviča, łahičniej było b apytvać samoha zborščyka podpisaŭ, jaki raspaŭsiudziŭ hetyja źviestki.
Taćcianu papiaredzili, što takaja infarmacyja moža deskredytavać Respubliku Biełaruś.Ale słužbist admoviŭ, što zaviedziena kryminalnaja sprava pa takim artykule.
Pravaabaronca źviazvaje siońniašni vyklik Raviaki ŭ KDB ź intaresam hetaj struktury da dziejnaści ŭ miežach kampanii «Pravaabaroncy za svabodnyja vybary». I ŭsprymaje takija pavodziny jak cisk. Stefanovič ličyć, što KDB varta było b praviarać ahučanyja fakty parušeńniaŭ, a nie apytvać pravaabaroncaŭ.
Ciapier čytajuć
Stała viadoma pra aryšt papularnaj mastački Aksany Šalapinaj3
Kamientary