Łukašenka zaklikaŭ praanalizavać pamyłki Alimpijady, kab paźbiehnuć ich paŭtareńnia.
Alaksandr Łukašenka zajaŭlaje pra nieabchodnaść pryznać dapuščanyja pry padrychtoŭcy spartsmienaŭ i ich vystupleńni pamyłki na Alimpijadzie ŭ Łondanie, kab nie paŭtarać ich nadalej.
«Napieradzie nas čakajuć Alimpijady ŭ Sočy i
Jon kanstatavaŭ, što «niekatoryja zadačy, pastaŭlenyja pierad našaj kamandaj, nie byli vykananyja» [była pastaŭlena zadača zavajavać 25 miedaloŭ, zavajavali 12 -- NN]. «Na žal, nie ŭsie zdoleli spravicca z napruhaj, nastroicca na pieramohu ŭ ćviordym supraćstajańni z supiernikam.
Što hrachu taić, niekatoryja naohuł nie byli hatovyja vystupać na alimpijskich spabornictvach», — padkreśliŭ A.Łukašenka.
«U paraŭnańni z papiarednimi alimpijadami ŭ miedalnym zaliku my skacilisia ŭniz. U asobnych vidach sportu vyniki prosta zasmučalnyja»,— adznačyŭ Łukašenka.
«Usio heta stanie pradmietam dla asobnaj surjoznaj razmovy paśla detalovaha analizu vynikaŭ vystupleńnia našych alimpijcaŭ», — skazaŭ jon.
Razam z tym Łukašenka padziakavaŭ čempijonam i pryzioram Alimpijady za toje, što «Biełaruś u Łondanie była pradstaŭlena na samym vysokim uzroŭni». «Va ŭmovach žorstkaj kankurencyi, časam sumniŭnaha sudziejstva, praduziataha staŭleńnia z boku asobnych mižnarodnych spartyŭnych čynoŭnikaŭ, vy, tym nie mienš, prajavili vysokaje prafiesijnaje majsterstva i, viadoma ž, volu da pieramohi», — skazaŭ Łukašenka.
U pryvatnaści, jon adznačyŭ paśpiachovaje vystupleńnie strełka Siarhieja Martynava, tenisistaŭ Viktoryi Azaranka i Maksima Mirnaha i płyŭčychi Alaksandry Hierasimieni.Taksama A.Łukašenka padziakavaŭ za plonnuju pracu trenierskamu składu, usich, chto pryvioŭ spartsmienaŭ da tryumfu.
Akramia taho, Łukašenka ŭručyŭ dziaržuznaharody spartsmienam i trenieram za dasiahnieńnie vysokich spartyŭnych vynikaŭ na Alimpijadzie ŭ Łondanie i vialiki asabisty ŭkład u raźvićcio fizičnaj kultury i sportu.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam21
Kamientary