Zhodna z pałažeńniem Centrvybarkama ab paradku vykarystańnia ŚMI pry padrychtoŭcy i praviadzieńni vybaraŭ deputataŭ pałaty pradstaŭnikoŭ, kandydaty majuć prava na adzin biaspłatny vystup sa svajoj pieradvybarnaj prahramaj pa dziaržaŭnym TB i adzin — pa dziaržaŭnym radyjo.
Dakumientam praduhledžana, kab vystupy prypadali na samy rejtynhavy efirny čas: pa telebačańni — z 19.00 da 20.00, pa radyjo — z 18.00 da 19.00.
Pretendenty na deputackija mandaty, jakija vyłučajucca ŭ Minsku, zmohuć ahučyć svaju pieradvybarčuju prahramu pa telekanale «Biełaruś 2» i na chvalach radyjostancyi «Stalica». Kandydaty, zarehistravanyja pa abłaściach, akramia Minskaj, vystupiać pa miascovym tele- i radyjokanałach. Tym, chto bałatujecca ad Minskaj vobłaści efirny čas daduć «STV» i radyjo «Stalica».
Daterminovaje hałasavańnie ŭ Biełarusi projdzie z 18 pa 22 vieraśnia ŭklučna. Asnoŭny dzień hałasavańnia 23 vieraśnia.
Kamientary