Honar pracoŭnaj stalicy, abo Derby Day pa Minsku

1 vieraśnia (subota) u čempijanacie Minska pa futbole — čyrvony dzień kalendara, jaki staić asobna ad inšych hulniaŭ treciaj lihi biełaruskaha futboła. A 16-j u SAK «Alimpijski», što na vulicy Surhanava, sustrakajucca dźvie mienskija kamandy: «Tarpieda» i «Partyzan» (były MTZ).

Navat zaŭziatych amataraŭ futboła naŭrad ci pryvabiš hulniami treciaj lihi, ale kali hulaje «Tarpieda» suprać «Partyzana», uvaha ŭsioj futbolnaj supolnaści pryciahnuta da hetaha matča dvuch nieprymirymych supiernikaŭ,

Pavodle nakału z hetaj hulnioj moža kankuravać tolki «kłasika» «Dynama» — BATE u vyšejšaj lizie.

Hetaje derbi siahaje svaimi karaniami ŭ BSSR siaredziny XX st., kali MAZ i MTZ byli pryncypovymi supiernikami nie tolki ŭ sporcie.

Sučasnaje supiernictva «Tarpieda» i «Partyzana» nabyło rysy nie tolki karparatyŭnaj kankurencyi, ale i ideałahičnaha supraćstajańnia. Bolšaść fanaŭ «Tarpieda» — prychilniki pravych, kansiervatyŭnych idej z aryjentacyjaj na nacyjanalnyja kaštoŭnaści, prychilniki «Partyzana» pierš za ŭsio pazicyjanujuć siabie jak internacyjalisty, antyfašysty i baraćbity z roznymi formami dyskryminacyi.

Ale ŭ abiedźviuch kamandaŭ jość šmat supolnaha: abodva kłuby kinutyja na volu losu futbolnymi ŭładami krainy i horada i ciapier isnujuć na hołym entuzijaźmie.

Možna nie sumniavacca, što hulnia budzie pryncypovaj i budzie prachodzić pry anšłahu.

Nie hublajcie i Vy mahčymaści pabyvać na lehiendarnym futbolnym derbi horadu, tym bolej što ŭvachod volny, a matč cikavy, dyk prychodźcie!

«FK Tarpieda-Miensk» napiaredadni derbi pravodzić konkurs, u jakaści pryza kielich z kłubnaj symbolikaj FK «Tarpieda-Miensk» dyj kłubny mahnicik.

Dla ŭdziełu ŭ konkursie treba pravilna adkazać na nastupnyja pytańni:

1. Kolki razoŭ FK «Tarpieda Miensk» byŭ čempijonam Biełarusi?

2. Kolki razoŭ FK «Tarpieda Miensk» byŭ uładalnikam Kubka Biełarusi?

3. Kolki razoŭ FK «Tarpieda Miensk» byŭ uładalnikam Kubka Mienska?

4. Jak proźvišča viadomaha biełaruskaha scenarysta, zaŭziatara «Tarpieda Miensk»?

5. U jakim dyvizijonie čempijanatu Biełarusi zaraz hulaje FK «Tarpieda Miensk»?

Pravilnyja adkazy dasyłać na adras [email protected]. Adkazy prymajucca da 1 vieraśnia. Paśla čaho ŭ vyniku losavańnia siarod kankursantaŭ budzie razyhrany pryz i dasłany na vaš adras. Nie zabyvajciesia paznačać kantakty ŭ liście.

• 0
• 0
• 0
• 0
• 0
• 0
• 0
• 0