Vykładčycy Homielskaha mieduniviersiteta dali kałoniju pa šaści palityčnych artykułach za aktyŭnaść u telehramie
Halina Łatuhoŭskaja šmat hadoŭ vykładaje chimiju i bijałohiju ŭ Homieli. Ale ciapier jana za kratami za «ekstremizm» i «paklopy na Łukašenku» — joj pahražała da siami hadoŭ kałonii.
Halinie Łatuhoŭskaj 47 hadoŭ. Jana hamialčanka. Paśla skančeńnia ŭniviersiteta pracavała vykładčycaj.
Apošnija hady Halina pracavała na kafiedry ahulnaj i bijaarhaničnaj chimii Homielskaha dziaržaŭnaha miedycynskaha ŭniviersiteta. Taksama treniravała ludziej da pastupleńnia na fakultecie daŭniviersiteckaj padrychtoŭki.
Vodhuki pra jaje dziejnaść ad vučniaŭ dobryja. «Ja ŭdziačny vam, Halina Viktaraŭna, vašy zaniatki dali mnie bazu dla razumieńnia chimii», — pisaŭ u minułym hodzie adzin ź jaje byłych studentaŭ, jaki pastupiŭ u VNU.
Halina lubić padarožžy i roznyja kulturnyja mierapryjemstvy. Taksama jana repościła zbory na dapamohu chvorym dzieciam.
Vykładčycu zatrymali naprykancy kastryčnika ci ŭ pačatku listapada 2024 hoda. Sprava była ŭ kamientarach u telehramie — jaje akaŭnt zarehistravany na ŭłasny numar, i ŭ niejki momant jana pastaviła tudy ŭ jakaści vyjavy ŭłasnaje fota, choć niekali pakinuła z akaŭnta šmat kamientaroŭ.
Halinu Łatuhoŭskuju asudzili ŭ 2025 hodzie ŭ Homielskim abłasnym sudzie pa šaści artykułach: «uvachodžańnie ŭ skład ekstremisckaha farmiravańnia» (č. 3 art. 361‑1 KK), «sadziejničańnie ekstremisckaj dziejnaści» (č. 1 i č. 2 art. 361-4), «paklop na Łukašenku» (č. 1 i č. 2 art. 367 KK), «abraza Łukašenki» (č. 1 art. 368 KK), «abraza pradstaŭnika ŭłady» (art. 369 KK) i «dyskredytacyja Biełarusi» (art. 369‑1 KK).
Halinie Łatuhoŭskaj pahražała da siami hadoŭ kałonii. Viadoma, što prysud źviazany z pazbaŭleńniem voli, ciapier jana za kratami.
«Naša Niva» — bastyjon biełaruščyny
PADTRYMAĆCiapier čytajuć
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1010
Kamientary
[Zredahavana]