Litva prainfarmavała pradstaŭnika biełaruskaj ambasady pra zakryćcio miažy «da dalejšaha paviedamleńnia»
Situacyju z pavietranymi šarami Litva nazvała «hibrydnaj atakaj».
MZS Litvy vyklikała da siabie pradstaŭnika biełaruskaj ambasady i zajaviła jamu rašučy pratest u suviazi z parušeńniami pavietranaj prastory Litvy.
«Naŭmysnuju biaździejnaść» dziaržaŭnych orhanaŭ Biełarusi Litva rasceńvaje jak «hibrydnuju ataku».
Litoŭskaje ministerstva taksama prainfarmavała pradstaŭnika Biełarusi ab tym, što Litva zakryvaje dziaržaŭnuju miažu z krainaj da dalejšaha paviedamleńnia.
Raniej časovaha pavieranaha ŭ spravach Litvy Erykasa Viłkaniecasa vyklikali ŭ biełaruski MZS, jamu ŭručyli notu ŭ suviaźziu z zakryćciom miažy z boku Litoŭskaj Respubliki biez papiaredžańnia.
Siońnia ŭrad Litvy pryniaŭ rašeńnie pra zakryćcio miažy ź Biełaruśsiu minimum da sierady. Paśla pasiadžeńnia ŭrada stanie viadoma pra dalejšaje raźvićcio situacyi. Litoŭski bok hatovy da doŭhaterminovaha zakryćcia miažy.
«My ŭžo padrychtavali rašeńnie ab zakryćci miažy ź Biełaruśsiu na nieakreśleny termin», — zajaviła premjer-ministr Inha Ruhinienie.
Pamiežny pierachod «Salečniki» (ź biełaruskaha boku «Bieniakoni») całkam zakryty, a praz «Miedniki» («Kamienny Łoh») mohuć jechać niekatoryja katehoryi asob.
Viečaram 26 kastryčnika čarhovy raz była spyniena praca Vilenskaha aeraporta. Heta ŭžo treci viečar zapar, kali z-za vialikaj kolkaści kantrabandysckich šaroŭ z boku Biełarusi spynialisia paloty i zakryvalisia pamiežnyja punkty propusku. Ahułam u kastryčniku było sarvana bolš za 170 rejsaŭ u litoŭskich aeraportach, paciarpieli 27 000 pasažyraŭ.
-
«Hety chłopiec, vidać, padasłany — u jaho boty načyščanyja»: Sieviaryniec raskazaŭ historyju źjaŭleńnia Daškieviča ŭ «Maładym froncie»
-
«Ja ciapier całkam inšy čałaviek». Piśmieńnica Śviatłana Kurs pra rak i svaju fiłasofiju žyćcia
-
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda5
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary