U stalicy adśviatkavali 50-hodździe Alesia Bialackaha.
Sam pravaabaronca ŭžo druhi svoj dzień naradžeńnia zapar sustrakaje za kratami. A tradycyja adznačać hetaje chaj sabie i siamiejnaje śviata ŭ Bialackaha było taksama ŭ kole kalehaŭ. Spačatku toje było ŭ muziei Maksima Bahdanoviča, u jakim Aleś dyrektarstvaŭ. A zatym u pravaaabrončym centry «Viasna», u jaki pierajšli i mnohija supracoŭniki muzieja. Pa słovach adnoj z takich «pierabiežčyc» Taćciany Raviaka, dni naradžeńni ŭsprymalisia prosta dadatkovaj mahčymaściu padkreślić dobryja jakaści čałavieka, skazać jamu pryjemnyja słovy. Barys Sačanka zapomniŭ «pasiadziełki» ŭ Bialackaha ŭ takija dni tym, što Aleś sam niešta hatavaŭ. Najbolš daspadoby prychodzilisia jahonyja rybnyja pirahi.
Mierkavałasia, što da 50-hodździa vyjdzie kniha litaraturaznaŭčych artykułaŭ Bialackaha za tryccać hadoŭ. Knihu padrychtavali, ale vydańnie zaciahnułasia. I źjavicca jana ŭžo ŭ kastryčniku.
«Ja jašče žyvy, a Palina składaje maju knihu»,
— napisaŭ u liście da siabra Eduarda Akulina pravaabaronca. Układalnicaj knihi vystupiła Palina Ściepanienka.
Vincuk Viačorka zaŭvažyŭ, što
Aleś byŭ pieršym, chto ŭźniaŭ bieł-čyrvona-bieły ściah nad budynkam Minskaha harsavieta.
Było heta jašče da aficyjnaha zaćviardžeńnia jaho dziaržaŭnym simvałam. «Spadziajusia jamu i budzie hanarovaje prava viarnuć ściah na miesca».
Za kratami Aleś zacikaviŭsia tvorčaściu biełaruskich piśmieńnikaŭ, jakija taksama siadzieli. I heta nie tolki represavanyja ŭ 1930-ch, ale i paźniej, a taksama ŭ naš čas. I jon adhuknuŭsia recenzijaj na «turemnyja vieršy» Alaksandra Fiaduty, jaki akurat napisaŭ svaju knihu ŭ turmie. «Kali znachodzišsia tam, pišacca lohka — słovy prychodziać sami», — padkreśliŭ Fiaduta. A tut, na voli, składaniej. I jon užo dva z pałovaj miesiacy nie moža napisać adkaz Alesiu z udziačnaściu za recenziju. Jon udziačny jašče i za toje, što pravaabaronca nie źjechaŭ z krainy letaś, chacia viedaŭ, što budzie aryšt.
Prysutnych zaklikali zapisać videazvaroty ź vinšavańniami dla Alesia Bialackaha. Ale heta ŭsio na budučyniu. A pieradać svaje vinšavańni ŭžo siońnia prapanavali praz paštoŭki, jakija možna było padpisać na miescy. Zaŭtra ich adpraviać adrasatu za kraty.
Čytajcie taksama «10 faktaŭ pra Alesia Bialackaha, jakich nie pračytaješ u Vikipiedyi».
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA21
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary