Krynica ŭ rasijskim uradzie: Biełaruś zabłakavała prapanovy Rasii pa likvidacyi «raspuščalnikavaha» biznesu. U vyniku ŭ čaćviortym kvartale hetaha hoda Rasija na čverć abmiažuje pastaŭku nafty ŭ Biełaruś.
Biełaruś zabłakavała prapanovy Rasii pa likvidacyi «raspuščalnikavaha» biznesu ŭ ramkach Mytnaha sajuza, paviedamlaje RIA Naviny sa spasyłkaj na krynicu ŭ orhanach dziaržkiravańnia.
skazała krynica. Jana adznačyła, što ŭ adpaviednaści z praceduraj usie rašeńni ŭ JEEK pavinny prymacca na asnovie kansiensusu. Surazmoŭca nie patłumačyŭ, pa jakich pryčynach Minsk nie padtrymaŭ prapanovy rasijskaha boku.«Biełaruski bok zabłakavaŭ uniesienyja rasijskim bokam prapanovy ŭ Radu Jeŭrazijskaj ekanamičnaj kamisii, jakija dazvalajuć vyklučyć na terytoryi Mytnaha sajuza vytvorčaść i ekspart raspuščalnikaŭ, razbaŭlalnikaŭ, zmazačnych materyjałaŭ i bijadyzielnaha paliva», —
Maskva taksama prapanavała kłasifikavać jak naftapradukty roznyja sumiesi naftapraduktaŭ sa śpirtam, ź jakich atrymlivalisia raspuščalniki i razbaŭlalniki, zmazačnyja materyjały, u vyniku čaho jany taksama buduć abkładacca mytam.Jak raniej paviedamlałasia, admova biełaruskaha boku pryniać rasiejskija prapanovy moža być abumoŭlena namieram Rasiei vyklučyć pramahonny bienzin z režymu pierapracoŭki ŭ ramkach Adzinaj ekanamičnaj prastory. Heta ŭščamlaje intaresy Biełarusi, pakolki pramahonny bienzin vykarystoŭvajuć u svajoj vytvorčaści pradpryjemstvy biełaruskaj naftachimii.
Prapanavana pašyryć pieralik tavaraŭ, zabaronienych da źmiaščeńnia pad mytnuju praceduru pierapracoŭki, uklučyŭšy ŭ jaho śpirty acykličnyja i ich hałahienizavanyja, sulfiravanyja, nitryravanyja abo nitrazavannyja vytvornyja; bijadyziel i jaho sumiesi, jakija nie źmiaščajuć abo źmiaščajuć mienš za 70% masy nafty abo naftapraduktaŭ, atrymanych ź bituminoznych parod.
Biełaruś u 2012 hodzie biazmytna atrymlivaje naftu i naftapradukty z Rasii. Pry hetym jana pieraličvaje ŭ rasijski biudžet 100% ekspartnych pošlin na naftapradukty z rasijskaj syraviny, jakaja pastaŭlajecca za miežy Mytnaha sajuza. Raspuščalniki, razbaŭlalniki i zmazačnyja materyjały nie ŭniesieny ŭ pieralik naftapraduktaŭ, pry eksparcie jakich vypłačvajecca vyvaznoje myta, tady jak na bienzin składaje 90% ad ekspartnaha myta na naftu. Rasijski bok ličyć, što Minsk, pavialičyŭšy zakupki rasijskich naftapraduktaŭ, ekspartavaŭ na jeŭrapiejskija rynki bienzin pad vyhladam raspuščalnikaŭ.
U kancy lipienia ŭ Biełarusi pracavała mižviedamasnaja rasijskaja hrupa pradstaŭnikoŭ profilnych dziaržstruktur pad kiraŭnictvam Fiederalnaj mytnaj słužby Rasii, jakaja praviarała lehalnaść vytvorčaści i ekspartu raspuščalnikaŭ.
Vynikam pracy hetaj hrupy stała spynieńnie pastavak u Biełaruś nafty, jakaja źjaŭlajecca syravinaj dla ich vytvorčaści. Pavodle nieaficyjnych acenak, straty rasijskaha biudžetu z pryčyny sumnieŭnaha ekspartu raspuščalnikaŭ ź Biełarusi aceńvajucca ŭ dva miljardy dalaraŭ.
U čaćviortym kvartale hetaha hoda Rasija na čverć abmiažuje pastaŭku nafty ŭ Biełaruś.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ34
Kamientary