Enrykie Kapryles zapatrabavaŭ ad Čavesa rasśledavańnia hibieli troch pradstaŭnikoŭ apazicyi.
Bolš za 100 tysiač čałaviek sabralisia ŭ stalicy Vieniesueły Karakasie na mitynh u padtrymku kandydata apazicyi Enrykie Kaprylesa Radonskaha na prezidenckich vybarach 7 kastryčnika.
Kapryles zapatrabavaŭ rasśledavańnia zabojstva troch aktyvistaŭ apazicyi, jakija zahinuli ŭ čas mitynhu ŭ štacie Barynas u minułuju subotu.
Vystupajučy na mitynhu ŭ Karakasie, Enrykie Kapryles skazaŭ, što heta najbolšy schod prychilnikaŭ apazicyi za ŭsiu historyju krainy.
«Praśpiekt Balivara zanadta mały dla nas», abviaściŭ kandydat, majučy na ŭvazie adnu z centralnych vulic stalicy Vieniesueły.
«Napiaredadni ad hvałtu zahinuli try čałavieki. Hetaha nie pavinna było adbycca.
Ja chaču zapeŭnić ich blizkich, i hetych aniołaŭ na niabiosach, što 7 kastryčnika my naniasiem paražeńnie hvałtu», — zajaviŭ kandydat ad abjadnanaj apazicyi.
U zajavie apazicyjnaj partyi «Spraviadlivaść pieradusim» havorycca, što mitynh u Barynasie, rodnym štacie prezidenta Čavesa, pavinien byŭ adbycca ŭ subotu, ale ŭsie darohi da miesca jaho praviadzieńnia byli zabłakavanyja prychilnikami ŭrada.
Pa troch aktyvistach, jakija prybyli na mitynh na mašynie, byŭ adkryty ahoń nieviadomymi asobami z aŭtafurhona. Ministr justycyi zajaviŭ, što padazravany ŭ hetych zabojstvach aryštavany.
Uha Čaves znachodzicca va ŭładzie z 1999 hoda. U minułym hodzie ŭ jaho byŭ vyjaŭleny rak.
Bolš za 30 apazicyjnych partyj padtrymali Enrykie Kaprylesa ŭ jakaści adzinaha kandydata ad apazicyi, jaki budzie supraćstajać levamu prezidentu krainy.
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili3
Kamientary