Z univiersitetaŭ pačali adličać zavočnikaŭ, jakija skončyli kaledžy
Pavodle novaha kodeksu ab adukacyi, jany pavinny spačatku adpracavać raźmierkavańnie.
Zaličeńnie va ŭniviersitet i navat apłata za navučańnie nie harantuje ŭ Biełarusi mahčymaść dalejšaha praciahu adukacyi. Heta na ŭłasnaj skury adčuli studenty BNTU i inšych VNU.
Paśla skančeńnia kaledžaŭ jany pastupili na płatnyja adździaleńni ŭniviersitetaŭ. Na dumku Minadukacyi, hetaha im rabić nie varta było, bo spačatku maładyja ludzi musili pajechać pa prymusovym raźmierkavańni.Ciapier studentaŭ adličajuć, i jany adpraŭlajucca chto kudy: niechta na zavod, i niechta ŭ vojska.
«Paśla zaličeńnia ŭ VNU vypusknikam siarednich śpiecyjalnych navučalnych ustanoŭ, jakija navučalisia za košt srodkaŭ dziaržbiudžetu, pačali prychodzić papiery z kaledžaŭ z patrabavańniem rastłumačyć, čamu jany nie pajechali pracavać pa raźmierkavańni.
Im prapanavali adno z dvuch: abo pakryć srodki, zatračanyja dziaržavaj na padrychtoŭku maładoha śpiecyjalista ŭ SSNU i praciahnuć vučycca va ŭniviersitecie, ci napisać zajavu ab adličeńni i „adtrubić“ naležny termin abaviazkovaj adpracoŭki na pradpryjemstvie», —prakamientavali situacyju ŭ BNTU. «Naprykład, z fakultetu hornaj spravy i inžyniernaj ekałohii zajavy ab adličeńni pa ŭłasnym žadańni napisali try čałavieki».
Pavodle pradstaŭnikoŭ univiersitetu,
niekatoryja studenty adrazu paśla adličeńnia vymušanyja adpraŭlacca ŭ vojska: adpaviednyja pozvy ŭžo prychodziać.«Takoje u nas upieršyniu, — kažuć ananimnyja pradstaŭniki BNTU. — U 2011 hodzie i raniej usio było narmalna. Heta tyčycca nie tolki BNTU, ale i inšych VNU».
U Ministerstvie adukacyi spasyłajucca na novy Kodeks ab adukacyi, jaki pačaŭ dziejničać z 1 vieraśnia. Pavodle jaho paśla skančeńnia kaledžu vypusknik musić adpracavać peŭny čas. I tolki paśla hetaha jon maje prava praciahvać adukacyju va ŭniviersitecie. Vyklučeńnie — tyja vypuskniki, što adrazu paśla SSNV pastupili na dzionnaje biaspłatnaje adździaleńnie. Ale paśla zakančeńnia ŭniviersitetu im pryjdziecca adpracoŭvać užo dva hady. «Pastupać u VNU na „zavočku“ možna tolki paśla taho, jak čałaviek vykanaje svoj abaviazak pierad dziaržavaj, to bok adpracuje pa raźmierkavańni», — kažuć u Minadukacyi.
Pa słovach supracoŭnikaŭ univiersitetu,
kali b Ministerstva adukacyi praviało tłumačalnuju pracu z pradstaŭnikami vyšejšych navučalnych ustanoŭ jašče da pačatku ŭstupnaj kampanii, to abituryjentaŭ apaviaščali b ab hetym adrazu i dakumienty ŭ ich nie prymalisia.Ciapier VNU ničoha nie zastajecca rabić, jak prosta raźvitacca sa studentami da zakančeńnia terminu ich abaviazkovaj adpracoŭki na pradpryjemstvie i viarnuć hrošy, užo uniesienyja za navučańnie.
Kamientary