U subotu, 13 kastryčnika, Biełaruś budzie znachodzicca ŭ poli pavyšanaha atmaśfiernaha cisku, sfarmiravanaha ŭ chałodnym pavietry. Tamu hety dzień stanie samym chałodnym na tydni,asabliva adčuvalna heta budzie ŭ načny čas sutak. Nočču tempieratura pavietra budzie tolki plus 1–6 hradusaŭ, na hlebie ŭ mnohich rajonach i miescami ŭ pavietry čakajucca zamarazki da nula — minus 4. Dniom pavietra prahrejecca da 5–10 hradusaŭ ciapła, pa poŭdni — da 12 hradusaŭ.
«Takaja tempieratura ŭ siaredzinie kastryčnika na 1–3 hradusy nižejšaja za klimatyčnuju normu»,— adznačyła hałoŭny sinoptyk Biełaruskaha hidramieteacentra Ludmiła Paraščuk. Apadki ŭ načny čas nie čakajucca, zatoje dniom miescami pa Bresckaj, Hrodzienskaj i Minskaj abłaściach projduć karotkačasovyja daždžy. U asobnych rajonach krainy mahčymy tuman.
Umovy nadvorja ŭ niadzielu, 14 kastryčnika, budzie vyznačać małaaktyŭny atmaśfierny front, jaki pieramiaščajecca praz terytoryju Biełarusi.Tamu miescami projduć karotkačasovyja daždžy. Nočču i ranicaj u asobnych rajonach prahnazujecca tuman. Tempieratura pavietra ŭ načny čas składzie plus 2–8 hradusaŭ, pa paŭnočnym uschodzie čakajucca zamarazki da nula — minus 2 hradusaŭ. Udzień słupok termomietra pakaža 6–13 hradusaŭ.
U pačatku nastupnaha tydnia ŭmovy nadvorja pačnuć mianiacca.
U aŭtorak, 16 kastryčnika, zachodni i centralny rajony Biełarusi trapiać pad upłyŭ ciopłaha atmaśfiernaha frontu, jaki pieramiaščajecca z paŭdniovaha zachadu Jeŭropy. Tut projduć karotkačasovyja daždžy. U načny i ranišni čas miescami čakajecca tuman. Nočču tempieratura pavietra składzie 2–9 hradusaŭ ciapła.
Dniom pavietra prahrejecca da 9–15 hradusaŭ, pa poŭdni Bresckaj i Homielskaj abłaściej — da 17 hradusaŭ.
U sieradu, 17 kastryčnika, Biełaruś zastaniecca pad upłyvam ciopłych pavietranych mas, jakija pastupajuć z poŭdnia Jeŭropy. Tempieratura pavietra ŭ načny čas składzie 4–9 hradusaŭ ciapła. Udzień słupok termomietra pakaža 9–15 hradusaŭ. «Taki tempieraturny fon budzie na 2–3 hradusy vyšejšy za klimatyčnuju normu», — adznačyła hałoŭny sinoptyk.
Ciapier čytajuć
Jak u halečy śpivałasia radnia Łukašenki? Małaviadomyja fakty10
Kamientary