Takuju mahčymaść razhladaje DAI UUS Hrodzienskaha abłvykankama.
Na minułym tydni «NN» paviedamlała pra inicyjatyvu Hrodzienskaj DAI, jakaja pačała vykarystoŭvać videa z rehistrataraŭ dla pakarańnia parušalnikaŭ.
Jak paviedamlaje sajt hrodzienskaj aŭtainśpiekcyi, takaja praktyka moža stać stałaj.
«Da raźmieščanych na našym sajcie videafaktaŭ parušeńniaŭ, zafiksavanych rehistratarami z aŭtatranspartu, prajavili cikavaść mnohija. Reakcyja atrymałasia prahnazavanaj: ad biezumoŭnaha adabreńnia da kateharyčnaha nieprymańnia.
DAI UUS abłvykankama razhladaje mahčymaść arhanizavać pryciahnieńnie da adkaznaści parušalnikaŭ z vykarystańniem videamateryjałaŭ na rehularnaj asnovie i raźmiaščeńnie najbolš cikavych frahmientaŭ dla ŭsieahulnaha ahladu»,— havorycca ŭ paviedamleńni.
Naviednikam sajtu prapanavali prahałasavać za padobnuju inicyjatyvu. Za dva dni prahałasavała bolš za 250 čałaviek.
Mierkavańni padzialilisia. Adny miarkujuć, što heta dapamoža navieści paradak na darohach, inšyja zadajucca pytańniem, nakolki takija dziejańni adpaviadajuć zakonu.
Tym časam, hrodzienskija DAIšniki apublikavali čarhovaje videa, zroblenaje matacyklistam. Z rolika vynikaje, što kiroŭca lehkavika stvaryła avaryjnuju situacyju, ledź nie źbiŭšy matacykł.
Ciapier čytajuć
Kalekcyju karcin Viktara Babaryki raspradajuć ź vialikimi źnižkami. Ale biez samaha darahoha dla jaho tvora3
Kamientary