U Luksiemburhu prajšli ŭračystaści z nahody viasiella
Aficyjnaja hramadzianskaja cyrymonija adbyłasia ŭ piatnicu, adnak hałoŭnyja ŭračystaści pačalisia ŭ subotu ranicaj u sabory Luksiemburhskaj Maci Božaj, a zaviaršylisia ŭviečary śviatočnym kancertam.
Hijoma nazyvali apošnim chałastym naślednym pryncam Jeŭropy, tamu da jaho žanićby vykazali pavyšanuju cikavaść nie tolki ŭ hiercahstvie, ale i za jaho miežami.
Turysty i žychary Vialikaha hiercahstva skuplajuć ściažki z vyjavami maładych, a taksama šampanskaje, farfor i šakaład, vypuščanyja śpiecyjalna da śviata.
Na cyrymoniju zaprasili bolš za 120 haziet, navinavych ahienctvaŭ, radyjostancyj i telekanałaŭ z usiaho śvietu, u tym liku z Rasii, ZŠA, Kitaja i Maroka.
Haradskoje turystyčnaje biuro Luksiemburha arhanizavała trochdzionny «viasielny» tur dla šmatlikich haściej hiercahstva.
Pavodle słovaŭ karespandentaŭ, Hijom sustrakaŭsia sa Stefani de Łanua niekalki hadoŭ. U minułym hodzie adbyłasia zaručyny pary.
Stefani — pradstaŭnica viadomaj u Bielhii arystakratyčnaj siamji, vyvučała zamiežnyja movy ŭ Katalickim univiersitecie ŭ Lovenie, svabodna havoryć na francuzskaj, niamieckaj i rasijskaj.
U intervju luksiemburhskim ŚMI jana raskazała, što Vialiki hiercah Hijom achvotna raździalaje jaje zachapleńnie hastranomijaj i kulinaryjaj.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski13
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2424
Kamientary