Pasoł Izraila ŭ Biełarusi Iosif Šahał nazvaŭ «chłuśnioj i śpiekulacyjami» infarmacyju ab tym, što byłomu kiraŭniku Masada Mieiru Dahanu, jakomu ŭ Biełarusi zroblena apieracyja pa pierasadcy piečani, pahražaje niebiaśpieka.
«Jak byłomu kiraŭniku śpiecsłužb Izraila, Dahanu naležyć peŭnaja abarona. Siudy jon prylacieŭ z achovaj, ale jaho taksama achoŭvajuć i biełaruskija śpiecsłužby, — paviedamiŭ pasoł žurnalistam u Minsku 22 kastryčnika. — Zapeŭnivaju vas, što supracoŭnictva dźviuch takich śpiecsłužb harantuje biaśpieku lubomu hramadzianinu, tym bolš — na terytoryi Biełarusi. Usie razmovy ab tym, što jość niejkija prablemy, — heta chłuśnia i śpiekulacyi. Nijakaj pahrozy jaho biaśpiecy niama i być nie moža».
Šahał adznačyŭ, što Dahanu była praviedziena składanaja apieracyja, pryčym «praviedziena cudoŭna». Pry hetym pasoł paćvierdziŭ paviedamleńnie izrailskich ŚMI ab tym, što apieracyju pravodziŭ francuzski chirurh. «Ale jon pravodziŭ jaje ź biełaruskimi ŭračami na biełaruskim abstalavańni i daŭ vysokuju acenku kvalifikacyi biełaruskich uračoŭ», — padkreśliŭ Šahał.
Pavodle słoŭ dypłamata, pobač z praapieravanym ciapier znachodziacca jaho žonka i dačka, Dahan adčuvaje siabie narmalna.«Spadziajusia, što ŭ najbližejšy tydzień abo dzion vosiem stan jaho zdaroŭja dazvolić pieravieźci jaho ŭ Izrail», — skazaŭ Šahał.
Apieracyju byłomu kiraŭniku Masada pryjšłosia rabić u suviazi z tym, što ŭ jaho byŭ rak, udakładniŭ pasoł. Na pytańnie, čamu vybar vypaŭ na Biełaruś, jon adkazaŭ: na biełaruskich transpłantołahaŭ vyjšli dziakujučy dobrym adnosinam pamiž Izrailem i Biełaruśsiu. «Byli vykarystanyja kanały, ale ja nie budu havaryć, jakija. Hałoŭnaje — heta dazvoliła vyratavać čałaviečaje žyćcio. Biełaruś dapamahła Izrailu, my ŭdziačnyja i ŭ daŭhu nie zastaniemsia», — zapeŭniŭ izrailski dypłamat.
-
Rasijanina zatrymali na miažy Biełarusi ź Litvoj z hruzam vintažnaha posudu
-
Ihar Marzaluk na ideałahičnym mierapryjemstvie ŭpadaŭ u ekstaz ad abłasnych karavajaŭ VIDEA
-
«Pravasłaŭnyja cerkvy ŭ Zachodniaj Biełarusi zakryvalisia». A kolki ž było cerkvaŭ u BSSR i kolki — u Zachodniaj Biełarusi pa stanie na 1939 hod?
Kamientary