U Viciebsku isnuje kamanda pa mini-futbole siarod tatalna ślapych spartsmienaŭ.
Jany nie buduć źbirać poŭnych stadyjonaŭ, ale zaŭždy buduć bicca da kanca. Z 2008 hoda ŭ Viciebsku isnuje kamanda pa mini-futbole siarod tatalna ślapych spartsmienaŭ.
Z raspranalni viciebskaha pałaca sportu «Kamsamolec» šeraham vychodziać siem čałaviek u futbolnaj formie. Ich ruki lažać na plačach adzin adnaho, na vočy naciahnutyja «maski dla snu».Chłopcy chutka prabiahajuć pa hranitnaj padłozie kalidora i padymajucca pa leśvicy ŭ spartzału. Babula-vachciorka pravodzić pozirkam niezvyčajnuju kampaniju i z honaram u hołasie kaža nam: «Heta našy ślapyja futbalisty».
My na treniroŭcy viciebskaj kamandy pa mini-futbole siarod tatalna ślapych spartsmienaŭ. Usiaho ŭ zalitaj skupym vosieńskim soncam zale dzieviać čałaviek, piaciora ź ich hetaha sonca nie bačać. Nastaŭnik kamandy Aleh Kiryłaŭ dzielić futbalistaŭ na pary i pačynaje treniroŭku. Paralelna jon tłumačyć nam praviły, pavodle jakich nieviduščyja hulajuć u mini-futboł.
Hulnia doŭžycca dva tajmy pa 25 chvilin. Pamier pola — zvyčajny mini-futbolny, uzdoŭž placoŭki stajać vysokija miakkija borciki. U kožnaj kamandzie piać čałaviek: čaćviora ślapych i viduščy bramnik.Forma zvyčajnaja, akramia adnoj detali — paviazki na vačach, jakaja abaraniaje šmatpakutnyja vočy hulcoŭ ad palcaŭ supiernikaŭ.
Pieršy nacyjanalny čempijanat pa futbole dla ślapych praviali ispancy ŭ 1986 hodzie. Praz 18 hadoŭ u Afinach «ślapy futboł» debiutavaŭ na Paralimpijskich hulniach, a naprykancy nulavych dakaciŭsia i da Biełarusi.
Adna ź fišačak — miač-brazhotka. U jaho zašytyja kapsuły z admysłovymi padšypnikami, tamu jon ciažejšy za zvyčajny. Kali miač kocicca, to vydaje vyrazny huk, na jaki i aryjentujucca spartoŭcy.
Bramniki dapamahajuć i padkazvajuć abaroncam, ale nie mohuć pakidać miežaŭ štrafnoj placoŭki. Akramia taho, u hulni biare ŭdzieł trenier i «hid». Pieršy padkazvaje futbalistam u centry pola, druhi — staić za bramaj i pracuje navodčykam dla forvardaŭ. Jašče adna asablivaść — futbalisty pavinny paznačać svaju prysutnaść na poli, hučna i vyrazna vymaŭlajučy słova «Voj» («idu» pa-ispansku), kab futboł nie pieratvaryŭsia ŭ chovanki.
Praciah historyi i bolej zdymkaŭ hladzicie TUT.
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary