U Maskvie juryst zładziŭ bojniu — zabita piać čałaviek
Pa adnoj ź viersij, pryčynaj stała niepadzielenaje kachańnie da kalehi.
Juryst adnoj z aptečnych sietak Maskvy zładziŭ bojniu, u vyniku jakoj zahinuła piać čałaviek, paviedamlaje Rasijskaja słužba
Pierad hetym jon apublikavaŭ u sacyjalnaj sietcy «manifiest», dzie pryznaŭsia ŭ svajoj nianaviści da čałaviectva.
U sieradu ranicaj30-hadovy Dźmitryj Vinahradaŭ, uzbrojeny palaŭničymi karabinami, pryjšoŭ na pracu, pieraapranuŭsia ŭ kamuflaž, paśla čaho pačaŭ stralać z dvuch ruk pa svaim kaleham, što siadzieli na pracoŭnych miescach.
«U vyniku dvoje mužčyn i dźvie dziaŭčyny, jakija siadzieli za svaimi pracoŭnymi stałami, pamierli na miescy. Na leśvicy, jakaja viadzie da ofisa, padazravany rasstralaŭ jašče adnaho kalehu, jaki taksama pamior», — skazaŭ pradstaŭnik śledstva.
Pavodle infarmacyi Śledčaha kamiteta, jašče dvoje čałaviek atrymali ciažkija ranieńni.
Pavodle papiaredniaj viersii, pryčynaj napadu stała składanaja situacyja ŭ asabistym žyćci maładoha čałavieka. Jak paviedamlajuć krynicy ŭ pravaachoŭnych orhanach Maskvy, strałok byŭ nieŭzajemna zakachany ŭ adnu sa svaich kalehaŭ.
Pa niekatorych dadzienych, dziaŭčyna, u jakuju byŭ zakachany napadnik, taksama była ciažka paranienaja.
Vinahradaŭ byŭ zatrymany supracoŭnikami słužby biaśpieki kampanii i nie akazvaŭ supracivu pry zatrymańni. Kali jaho vina ŭ złačynstvie budzie dakazanaja, jamu pahražaje ad vaśmi hadoŭ da pažyćciovaha źniavoleńnia.
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary