Razhlad apielacyi na rašeńnie haspadarčaha suda Minska ab likvidacyiinfarmacyjna-aśvietnickaj ustanovy «Płatforma» pieraniesieny.
Razhlad pavinien byŭ adbycca 13 listapada ŭ apielacyjnaj instancyi haspadarčaha suda stalicy. Adnak pradstaŭniki IAU «Płatforma» na pasiadžeńnie nie źjavilisia. Jak rastłumačyli ŭ sudzie, «Płatforma» źviarnułasia ŭ apielacyjnuju instancyju Minskaha haspadarčaha suda z prośbaj ab pieranosie zapłanavanaha pasiadžeńnia na bolš poźnija terminy. Heta źviazana z tym, što supracoŭniki «Płatformy» znachodziacca za miažoj «pa vytvorčaj nieabchodnaści».
Data novaha pasiadžeńnia budzie viadoma paźniej.
Nahadajem, 9 kastryčnika haspadarčy sud Minska pad staršynstvam sudździ Aleha Klujko pryniaŭ rašeńnie ab likvidacyi «Płatformy». Pryčynaj dla likvidacyi pravaabarončaj arhanizacyi, jakaja zajmajecca pytańniami zachavańnia zakanadaŭstva ŭ miescach pazbaŭleńnia voli, staŭ isk inśpiekcyi Ministerstva pa padatkach i zborach Savieckaha rajona Minska. IMPZ paličyła, što «Płatforma» nie svoječasova padavała padatkovyja dekłaracyi, a taksama nie znachodziłasia pa jurydyčnym adrasie arhanizacyi.
«Płatforma» ŭkazvaje na nieabhruntavanaść vystaŭlenych IMPZ pretenzij ab źmianieńni miesca znachodžańnia arhanizacyi i ab niesvoječasovym padavańni dekłaracyi pa padatku na prybytak. Pavodle słoŭ kiraŭnika «Płatformy» Andreja Bandarenki, usie dakumienty padavalisia svoječasova, ale ŭ padatkovaj «hublalisia». Što tyčycca nieznachodžańnia ŭstanovy pa jurydyčnym adrasie, to «Płatforma» padała ŭ IMPZ piśmovaje paćviardžeńnie ŭłaśnika pamiaškańnia ab tym, što ŭstanova znachodzicca pa jurydyčnym adrasie, i dakumienty ab arendzie pamiaškańnia.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Kamientary