I nie zaŭždy jany taki dazvoł atrymlivajuć.
Hramadzianie Biełarusi, jakija žadajuć naviedać Palestynu, nia mohuć zrabić hetaha biez dazvołu izrailskich uładaŭ.
Pra heta zajaviŭ ambasadar Palestyny ŭ Biełarusi Chaled Arykat, adkazvajučy na pytańnie, ci paŭpłyvaŭ kanflikt u rehijonie na kolkaść biełarusaŭ, jakija vyjaždžajuć u Palestynu.
Chaled Arykat skazaŭ, što ŭłady jahonaj krainy ŭvažliva sočać za tymi hramadzianami Biełarusi, jakija zaraz znachodziacca na terytoryi Palestyny. «My robim maksymum dziela taho, kab jany byli tam u biaśpiecy i žyli narmalnym žyćciom», — skazaŭ Chaled Arykat.
Jon nie nazvaŭ dakładnuju kolkaść biełarusaŭ, jakija zaraz žyvuć u Palestynie, zaznačyŭšy, što zvyčajna ŭ takich vypadkach kažuć pra «rasiejskamoŭnaje nasielnictva».
Taksama Chaled Arykat raskazaŭ, što hramadzianin Biełarusi, jaki choča naviedać Palestynu, spačatku pavinien źviarnucca ŭ palestynskuju ambasadu ŭ Miensku. Ale dazvoł na pajezdku dajuć tolki izrailskija ŭłady:
«My znachodzimsia pad kantrolem Izrailu. U rukach Izrailu i našyja miežy.
I tamu my nia možam dać dazvoł na naviedvańnie Palestyny biez dazvołu izrailskich akupantaŭ. A jany ŭ mnohich vypadkach tarmoziać našyja zvaroty da ich».
U takim składanym stanoviščy znachodziacca tolki hramadzianie Biełarusi.
U bližejšych susiedziaŭ, naprykład, Rasiei i Ŭkrainy, takoj prablemy naahuł niama. Hetyja krainy majuć ź Izrailem pahadnieńni ab biaźvizavym pierasoŭvańni hramadzianaŭ.I tamu toj ža rasiejec spakojna lacić u Izrail, a adtul pierajaždžaje ŭ Palestynu.
A voś Biełaruś ź Izrailem dahetul padobnaha pahadnieńnia nie padpisali, choć razmovy pra heta viaducca ŭžo nia pieršy hod. Palitolah Andrej Fiodaraŭ kaža, što hety praces strymlivaje aficyjny Miensk: «Tut, najchutčej, sprava ŭ materyjalnych pytańniach. Bo płatu za vizy atrymlivaje dziaržava, a płaciać asoby. I tamu ja nie vyklučaju, što biełaruski bok prosta nie žadaje stračvać tyja hrošy, jakija jon atrymlivaje za hetyja vizavyja zbory».
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»2828
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary