Alaksandra Kazulina ŭ viciebskaj kalonii naviedaŭ novy advakat Źmicier Haračka.
3 traŭnia Alaksandra Kazulina naviedaŭ u kalonii jahony novy advakat Źmicier Haračka. Pavodle źviestak, jakimi jon padzialiŭsia z dačkoj palityka Julijaj, Alaksandar Kazulin pa‑raniejšamu maje prablemy sa zdaroŭjem.
«Jon skazaŭ, što vyhladaje tata narmalna, ale sam kaža, što jašče adčuvaje siabie słabym. Prykładam, jamu ciažka padciahnucca na papiaročynie. Adnaŭleńnie paśla haładoŭki jašče praciahvajecca. Jašče jon skazaŭ, što paśla taho, jak jaho naviedali ambasadary, staŭleńnie da jaho administracyi źmianiłasia — režym staŭ bolš žorstkim», — paviedamiła Julija Kazulina.
U źniavoleńni Alaksandar Kazulin bolej za 13 miesiacaŭ. Dniami ŭ Viarchoŭnym Sudzie pačali razhlad nahladnaj skarhi palityka na prysud Maskoŭskaha rajonnaha sudu, pavodle jakoha eks‑kandydata na prezydenta asudzili da piaci z pałovaj hadoŭ.
Dla hetaha spravu Alaksandra Kazulina admysłova pryvieźli z Maskoŭskaha rajsudu ŭ Viarchoŭny Sud.
Były advakat Kazulina Ihar Rynkievič bačyć u hetym dobruju prykmietu. «Viarchoŭny Sud maje prava zapatrabavać spravu, ale nie abaviazany. Prynamsi heta aznačaje, što skarha budzie razhledžanaja daskanała», — kaža Ihar Rynkievič.
Nahadajem, niadaŭna Ihar Rynkievič byŭ zvolnieny z kalehii advakataŭ pavodle asabistaha žadańnia j skłaŭ paŭnamoctvy jurydyčnaha abaroncy Alaksandra Kazulina.
Ciapier palityka abaraniaje advakat Źmicier Haračka. Uletku minułaha hodu Źmicier Haračka užo baraniŭ Alaksandra Kazulina ŭ sudzie.
Były advakat Ihar Rynkievič tak aceńvaje prafesijnyja jakaści svajho kalehi: «Jon stały, daśviedčany juryst. Za plačyma ŭ jaho, nakolki ja pamiataju, akramia advakackaha, taksama dośvied pracy sudździom».
Tym časam prakuratura Miensku admoviłasia razhladać skarhi na źbićcio Alaksandra Kazulina 2 sakavika 2006 hodu ŭ faje Pałacu čyhunačnikaŭ, dzie prachodziła rehistracyja delehataŭ Usiebiełaruskaha schodu.
Ciapier čytajuć
«Dyjalekt padazrony». Śpiavak Siaroha pryjšoŭ na rasijskaje realici i sabraŭ usich chejtaraŭ1
Kamientary