Novyja knihi, dasłanyja ŭ redakcyju
Biełaruskaja encyklapedyja: U 18 t. T. 10: Malajzija — Muhadžary / Redakcyjnaja kalehija: H.Paškoŭ dy inš. — Miensk: Biełaruskaja encyklapedyja, 2000. — 514 s.: ił. — Nakład 10 000 as. ISBN 985-11-0169-9 (t. 10). ISBN 985-11-0035-8
Najtańniej Vy prydbajecie apošni tom «Biełaruskaj encyklapedyi», kali svajačasna źviernieciesia ŭ šapik vydaviectva, dzie hetaja kniha kaštuje našmat tańniej, čym u kniharniach — 1062 rubli.
A.Siemianovič. Z pražytaha j pieražytaha. -- Miensk: Biełaruski knihazbor, 2000. -- 316 s. -- Nakład 200 as. ISBN 985-6318-88-2
Memuary biełaruskaha litaraturaznaŭca Antona Siemianoviča (nar. 1917 h.) — śviedčańnie pra čas, u jakim ciaham amal cełaha XX st. daviałosia žyć i pracavać aŭtaru.
Kantakty j dyjalohi: Infarmacyjna-analityčny biuleteń hramadzkaj arhanizacyi «Mižnarodnaja asacyjacyja biełarusistaŭ» i hramadzkaj arhanizacyi «Biełaruskaje tavarystva družby j zamiežnych suviaziaŭ z zamiežnymi krainymi». № 7—8, 2000. — Miensk, 2000. — 64 s.: ił. — Nakład 299 as.
Hałoŭnaja tema vypusku — biełaruskaja dyjaspara. Hetaksama šmat recenzijaŭ.
Miensk: Fotaalbom. U biełaruskaj, anhielskaj i rasiejskaj movach / Składalnik i aŭtar tekstu V.Anikin; Fota H.Lichtaroviča dy inš.; Mastak V.Miščanka. 2-je vydańnie. -- Miensk: Biełaruś, 2000. — Nakład 5000 as. ISBN 985-01-0216-0
Hety albom upieršyniu vyjšaŭ u dni «śviatkavańnia» 930-hodździa z dnia razbureńnia Miensku vojskami kijeŭskaha kniazia ŭ 1067 h. U albomie jość kolki cikavych ilustracyjaŭ, ale, jak i za savieckim časam, balšyniu vyjavaŭ składajuć krajavidy spalnych rajonaŭ dy administracyjnych budynkaŭ pavajennaha času. Kaštuje 1700 rubloŭ.
Spadčyna. № 3, 2000. — Miensk, 2000. — 224 s. — Nakład 1684 as. ISSN 0236-1019
Hety numar «Spadčyny» vyłučajecca siarod papiarednich nadzvyčajnaj kolkaściaj unikalnych matarjałaŭ: archiŭnyja dakumenty pra Słucki zbrojny čyn 1920 h., daśledavańnie V.Astrohi pra nacyjanalnuju symboliku na ŭniformie biełaruskaha vojska ŭ 1992—96 h. Upieršyniu drukujecca tekst F.Kušala ŭ pierakładzie z polskaje movy «Daroha da Katynskaha lesu». Vartaja ŭvahi j recenzija Ŭ.Lachoŭskaha na knihi «Archivy BNR» z nazovam «Ukłaŭ Siarhiej Šupa».
P.Vejn. Ci vieryli hreki ŭ svaje mity? Ese pra stvaralnaje ŭjaŭleńnie / Pierakład z francuskaje Z.Kołasa. — Miensk: Encyklapedyks, 2000. — 176 s. — Nakład 1000 as. ISBN 985-6509-03-2
Viadomy francuski daślednik antyčnaje historyi Pol Vejn sprabuje ŭ svajoj knizie, što ŭpieršyniu vyjšła pa-biełarusku, raspavieści čytaču pra toje, što jość praŭdaju j jak jana źmianiajecca z časam. Nakont nabyćcia knihi źviartajciesia na knižnuju vystavu ŭ mienskaj siadzibie TBM.
Ahlad padrychtavaŭ Viktar Muchin
Kamientary