Premii Kleščuku j Baraźnie
kamentar redakcyi
Siarod laŭreataŭ prezydenckaj premii za 2001 hod — daŭnija aŭtary “NN” fatohraf Anatol Klaščuk i mastactvaznaŭca Michał Barazna. Nia viedajem, vinšavać ich z takim pryzam ci škadavać.
Ad premii nichto ź laŭreataŭ nie admoviŭsia. A to ž — miljon rubloŭ, šaśćsot dalaraŭ. Heta ž bolej za dziaržaŭnuju premiju. Premii niedziaržaŭnyja zvyčajna ŭvohule symbaličnyja. A tut hrošy, za jakija možna dobra žyć — a značyć, i pracavać — z paŭhodu.
Ułada flirtuje ź intelihiencyjaj. Dudarava, letašniaha laŭreata premii łukašenkaŭskaj, sioleta vyłučyli na premiju sajuznaje dziaržavy. Vidać, jon iznoŭ nie admovicca. Raz dziejačy kultury prymajuć premii z ruk Łukašenki, značyć, pryznajuć jaho prezydentam. Łukašenku možna pavinšavać. Dabiŭsia! Kali Dudaraŭ prymie premiju ad sajuznaj dziaržavy, značyć, pryznaje sajuznuju dziaržavu. Kožny vybiraje sam.
Pišučy pra letašniuju vystavu Kleščuka, “NN” raiła dziaržavie dać fatohrafu dziaržaŭnuju premiju — hielikopter dla pieramiaščeńnia pa respublicy. Dali 600 dalaraŭ. Heta cana dźviuch hadzinaŭ palotu na hielikoptery.
A ŭ pryncypie, heta Łukašenkava drobnaja pycha — rabić svaje premii bolšymi za kupałaŭskija. Pahatoŭ što hrošy na “prezydenckija premii” zaroblenyja rukami kožnaha z nas.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary