Z usioj krainy

z usioj krainy

Vorša zastałsia biaz himnu

Padviedzienyja vyniki konkursu na najlepšuju pieśniu ab Voršy. Pieramožcu pakul nia vyznačyli. Ciažka skazać, čamu nia staŭ aficyjnym himnam miesta tvor Paŭła Sakoviča i Eduarda Zaryckaha. Mo tamu, što ŭ im jość słovazłučeńni, niazvykłyja dla vucha vertykalščykaŭ: “kryvavyja bitvy”, u jakich “vorah nia zdoleŭ skaryć žycharoŭ”, “miłaść Boskaja”, “volnaja, svabodnaja dziaržava”?

Karol Stach na zamčyščy

Aršanskaje zamčyšča ŭpryhožyli skulptury, stvoranyja ŭdzielnikami płeneru, pryśviečanaha 935-hodździu horadu. Raźbiary ŭvasobili ŭ kamieni hierojaŭ Uładzimiera Karatkieviča.

Źnikła vulica

Padrabiazny plan Voršy vydała RUP “Biełkartahrafija”. Tam paznačana amal usio: ad harvykankamu da mohiłak. Nie chapaje chiba turmaŭ, jakimi zdaŭna “słaŭnaja” Vorša. Sioletni plan adlustroŭvaje značnyja źmieny, jakija adbylisia apošnim časam. Viernuty ź niebyćcia nazvy vulic Daminikanskaja, Uvaskrasienskaja, źjaviłasia šmat novych: S.Sobala, I.Truceviča, M.Bahdanoviča, Ja.Drazdoviča… Na žal, nie abyšłosia biez pamyłak i niedarečnaściaŭ. Vulica U.Karatkieviča čamuści zastałasia vulicaj Kasmanaŭtaŭ. Jana — rekardsmen pa pierajmienavańniach: za sto hadoŭ była j Vajnberhavym zavułkam, i vulicaj Ihnatoŭskaha, i Varašyłava, i Brovarnaj, i Kasmanaŭtaŭ. Z 1987 h. nosić imia Karatkieviča (u domie №10 paśla vajny žyła jahonaja siamja).

Viktar Lutynski, Vorša

Spačatku — vojska,
dyplom — potym

U Bieraściejskim PTV-65 šmat jakim chłopcam-vypusknikam nie dali dyplomaŭ, paabiacaŭšy zrabić heta tolki paśla taho, jak tyja ŭładkujucca na pracu ci atrymajuć pozvu ŭ vojska.

I.Chviedarovič, Bieraście

Novyja padatki

Deputaty Baranavickaha harsavietu zaćvierdzili śpis miascovych padatkaū. Z 1 lipienia dyskateki pavinny pieraličvać u haradzki biudžet 5% ad koštu kvitka, biljardnyja kluby — 10%, salaryji — 8%, salony pryhažości — 5%. Uładalniki aūtazapravak buduć pieraličać 1% ad prybytku. 10% ad abanenckaj płaty daviadziecca addavać uładalnikam kabelnaha telebačańnia. Z novych padatkaū baranavicki biudžet musić papoūnicca na 30 młn. rubloū. A adzin dobry śmiećciavoz kaštuje 40 młn.

Raźbilisia milicyjanty

la vioski Dubrava pad Baranavičami 3 lipienia ūjechała ū dreva mašyna z tryma maładymi milicyjantami j kursantam Baranavickaj škoły milicyji. Dvoje zahinuli na miescy, astatnija znachodziacca ū špitałi. Pavodle niepaćvierdžanych źviestak, kampanija viartałasia z “Karčmy”, što la šašy Bieraście—Maskva.

Uźniaū na rohi

U vioscy Padhornaja, što la Baranavič, byk zabiū 35-hadovaha mužčynu. Čałaviek pryjšoū na kałhasnuju fermu dapamahčy svajaku, dzie na jaho j nakinułasia ašalełaja žyviolina. Pakul byka adahnali, niebaraka byū užo miortvy.

Chavali złacynnaść

Ministerskaja pravierka baranavickaj milicyji vyjavila 223 prychavanyja złačynstvy. Na adnaho supracoūnika Baranavickaha HUUS zaviedzienaja kryminalnaja sprava, siamiora atrymali dyscyplinarnaje pakarańnie.

Rusłan Raviaka, Baranavičy

Ullana zamiest Volhi

Viciebski krajaznaŭčy klub “Spadkajemcy” prapanuje nie ŭšanoŭvać u jakaści symbaličnaj zasnavalnicy horadu žonku kijeŭskaha kniazia Ihara Volhu. “Volha z družynaj” była abaviazkovym elementam usich haradzkich śviataŭ, u jaje honar nazvanyja šmatlikija firmy, cyrulni i kramy. “Spadkajemcy” ž ličać, što bolš vartaj pavahi źjaŭlajecca Ŭllana — žonka vialikaha kniazia Alhierda i maci Jahajły, jakaja pražyła ŭ Viciebsku 31 hod, pabudavała try carkvy, žanočy manastyr i Nižni zamak.

Michał Čarvinski, Viciebsk

Bilety sa štrafam

Viciebskija čyhunačniki pradajuć u dyzelach bilety z “kamisijnym zboram” u 160 rubloŭ. Tearetyčna hetaja pasłuha — dla tych, chto nie paśpieŭ uziać bilet u kasie, ale praktyčna joj vymušanaja karystacca pałova pasažyraŭ. 3—4 ciahniki adychodziać amal adnačasova, a bilety na ich pradajuć usiaho 3 kasy. I štoraz, kali tam utvarajucca sociennyja čerhi, pa vakzalnym radyjo hučyć abjava: “U ciahniku možna nabyć bilet sa štrafam…”

A.T., Viciebsk