U 2003 hodzie ŭ Biełarusi hulali paŭtary tysiačy prafesijnych futbalistaŭ, na paloch krainy vystupali 317 kamandaŭ. Svaje hrašovyja spravy biełaruski futboł trymaje ŭ sakrecie, adnak peŭnaje ŭjaŭleńnie pra ich možna skłaści.
15 krasavika startuje 14-y nacyjanalny futbolny čempijanat.
Dzie tyja hałasy, jakija na pačatku 90-ch kazali pra nieabchodnaść niejkaha «pieršynstva SND»? Ułasny futbolny čempijanat i prava delehavać kluby ŭ eŭrapiejskija spabornictvy — takaja ž adznaka niezaležnaści krainy, jak hrašovaja adzinka.
Chiba Šatlandyja dy Paŭnočnaja Irlandyja, nie źjaŭlajučysia samastojnymi dziaržavami, praz prynaležnaść da Vialikaj Brytanii mohuć štohodu vypuskać svaje kluby ŭ burlivyja vody kubkavych turniraŭ kantynentu. Adnak heta — uzakonienaje vyklučeńnie. Biełaruś, kali b apynułasia jana ŭ jakim «nieparušnym sajuzie», naŭrad ci dałučyli b da zhadanaj kampanii.
Kamandaŭ — miech, a intryhi — na hrech
Naš futboł navat u drobiaziach paŭtaraje nastalhičnyja paryvańni jahonych vysokapastaŭlenych prychilnikaŭ. Kahorta najlepšych biełaruskich klubaŭ maje nazvu «vyšejšaja liha» — akurat jak futbolnaja elita Savieckaha Sajuzu. Składajecca jana z šasnaccaci kamandaŭ — stolki ž mieła vyšejšaja liha čempijanatu SSSR. Dla krainy z takimi ścipłymi futbolnymi dasiahnieńniami, jak Biełaruś, heta zašmat. Tamu ŭ vyšejšaj lizie vystupaje niekalki adnosna macniejšych kalektyvaŭ i proćma słabych. Niama čaho ździŭlacca, kali siarod vynikaŭ matčaŭ zaŭvažaješ fantastyčnyja 9:0 (letašniaje supraćstajańnie «Šachcioru» i «Źviazdy-VA-BDU») abo 7:0 (BATE-«Słavija»). Ažno 49 hulniaŭ skončyłasia ŭ minułym čempijanacie z bujnym razryvam u liku.
Na karyść futbołu heta nia jdzie: dobraja pałova klubaŭ utulna siadzić u siaredzinie tablicy, nie bajučysia vyletu ŭ nižejšy dyvizijon i nie psujučy sabie nervy zmahańniem za medali. Dyskusii na temu skaračeńnia vyšejšaj lihi viaducca kožnuju viasnu. Bolšaść specyjalistaŭ vystupaje za skaračeńnie. Jak zaznačaje haračy prychilnik reformy, dyrektar babrujskaj «Biełšyny» Aleh Hušča, heta ažyvić kankurencyju i ŭ pieršym dyvizijonie, dzie ciapier za pieramohu zmahajucca ŭsiaho try-čatyry kamandy. Adnak dalej za słovy sprava nia ruchajecca. Vidać, reč tut u niazdolnaści «adkaznych tavaryšaŭ» adprečyć savieckuju luboŭ da hihantyzmu.
U vyšejšym dyvizijonie pieršynstva Słavienii — 12 klubaŭ, Švajcaryi — 10, Aŭstryi — 10. Futbolny patencyjał hetych krainaŭ bolš-mienš supastaŭny ź biełaruskim, a voś dasiahnieńni — vyšejšyja. Tam ćviaroza hladziać na rečy i abirajuć jakaść, a nie pakaznuju kolkaść. A prablema, źviazanaja sa źmianšeńniem hulniovaj praktyki kamandaŭ, vyrašanaja ŭ čempijanatach hetych krainaŭ prosta: spabornictvy prachodziać nia ŭ dva tury, a ŭ čatyry.
Poŭny varyjant artykułu hladzicie ŭ hazecie "Naša Niva".
Aleh Ždanovič
Matčy 15 krasavika
«Źviazda-VA-BDU» (Miensk) — «Homiel»
BATE (Barysaŭ) — «Naftan» (Navapołacak)
«Biełšyna» (Babrujsk) — «Dynama» (Miensk)
«Šachcior» (Salihorsk) — «Nioman» (Horadnia)
«Tarpeda» (Žodzina) — MTZ-RIPA (Miensk)
«Lakamatyŭ» (Viciebsk) — «Tarpeda-SKA» (Miensk)
«Dniapro-Transmaš» (Mahiloŭ) — «Dynama» (Bieraście)
«Daryda» (Ždanovičy) — «Słavija» (Mazyr)
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj7
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary