22 traŭnia ŭ Połacku ŭručali litaraturnuju premiju «Hliniany Viales». Laŭreatam «Vialesa-2003» staŭ prazaik, dramaturh, litaraturaznaviec Piatro Vasiučenka za knihu kazačnych apovieściaŭ «Žyli-byli pany Kublicki dy Zabłocki».
U svajoj pramovie P.Vasiučenka raspavioŭ, što letaś jon napisaŭ knihu «100 najlepšych piśmieńnikaŭ śvietu XX st.», pracujučy nad jakoj vyrazna prasačyŭ, što litaratary XX st. u svaich tvorach zmadelavali los minułaha vieku. Jany pradkazali asnoŭnyja navukovyja i techničnyja adkryćci, sacyjalnyja kataklizmy, antyhumannyja režymy z kanclahierami i katoŭniami, svaje asabistyja trahiedyi i navat Čarnobyl.
P.Vasiučenka ŭpeŭnieny, što ŭ XXI st. litaratura budzie raźvivacca inšym šlacham — budzie šukać inšych hierojaŭ, madelavać inšaje, bolš humannaje hramadztva.
Kniha «Žyli-byli pany Kublicki da Zabłocki» vyjšła ŭ vydaviectvie «Mastackaja litaratura» z nadzvyčajnymi ilustracyjami mastaka Ŭładzimiera Łukašyka. Eksperty «Vialesa» paličyli, što hetamu zborniku kazačnych apovieściaŭ nakanavana stać chrestamatyjnaj knihaj biełaruskaj dziciačaj litaratury. Aŭtar abiacaje i praciah tvoru.
Vasil Krokva, Połacak
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary