Moža, kali-niebudź hetyja rodavyja balački buduć vylekavanyja. Hetkuju nadzieju vyklikaje ŭ mianie artykuł byłoha pres-sakratara prezydenta Jelcyna Viačasłava Kościkava «Pravadyry biez pjedestałaŭ», nadrukavany ŭ №51 «Arhumientov i faktov».
Aŭtar, analizujučy pryčyny zaniapadu Rasiei, piša: «Niekatoryja pryčyny lažać na pavierchni: «ciemra masaŭ», adsutnaść šmatpartyjnaści, a ŭ vyniku i spabornictva patencyjnych lideraŭ. Niama ŭ nas dasiul i jasnych nieparušnych mechanizmaŭ źmieny ŭłady i lideraŭ. I narešcie, «psuta» pravadyroŭ u vyniku praźmiernaj kancentracyi ŭłady».
Taja rysa sacyjalnaj rečaisnaści, jakuju aŭtar nazvaŭ «ciemraj masaŭ», sapraŭdy lažyć u asnovie niaščaściaŭ — što Rasiei, što Biełarusi. «Ciemra» ŭziata ŭ dvukośsi, bo jana — nie arhaničnaja ŭłaścivaść mas, a vyklučna vynik dziejnaści «pravadyroŭ». U Biełarusi raniej, u Rasiei krychu paźniej pravadyry abviaścili vajnu ŚMI. Nie chaču pisać «niezaležnym ŚMI», bo telekanały Husinskaha i Bierazoŭskaha zaležali ad svaich haspadaroŭ. Adnak mienavita jany kazali praŭdu pra vajnu ŭ Čačenii, pravadyroŭ, raskazvali pra niadaŭniuju rasiejskuju historyju. Pakul jany dziejničali, partyi, jakija baranili liberalnyja kaštoŭnaści dy kaštoŭnaści svabody i demakratyi, prachodzili ŭ rasiejski parlament. I masy byli nie zusim ciomnyja.
Jury Chadyka
prafesar fizyki, namieśnik staršyni Partyi BNF
Kamientary