Žonki palitykaŭ pieršaha ešalonu aŭtamatyčna pieratvarajucca ŭ publičnych asobaŭ. Mahčyma, los vybaraŭ-2006 vyrašyć mienavita kandydatka ŭ pieršyja łedzi... Što ŭžo kazać pra palitykaŭ, žonki jakich nie ŭsprymajuć mužavaha zaniatku ŭsurjoz? Fotakarespandentka «NN» sustrełasia z žonkami papularnych biełaruskich palitykaŭ — tymi, jakija «ŭsurjoz».
Taciana Surskaja — žonka Kołasa
Taciana i Ŭładzimier znajomyja ź dziacinstva. «My byli ŭ 5-j klasie, kali našyja baćki paviali nas razam u cyrk, — raspaviadaje sp. Taciana. — Nastupnym razam sustrelisia ŭžo ŭ instytucie».
Kvatera Ŭładzimiera Kołasa i jahonaj žonki zastaŭlena šmatlikimi słoikami z apetytnymi marynadami. Sadavinu vyroščvajuć sami, adnak u astatnim lecišča siamji Kołasaŭ nahadvaje hazon — usio leta spn. Taciana razvodzić tam kvietki.
Žonka dyrektara zabaronienaha Liceju słuchaje «Bitłz» i Mocarta, razam z dačkoj «u čatyry ruki» hraje na fartepijana.
Da prezydenckaha patencyjału muža Taciana Surskaja stavicca nadzvyčaj surjozna: «U majho muža ŭdajecca ŭsio, za što jon biarecca. Kožnuju spravu jon davodzić da kanca».
Valancina Statkievič
Valancina i Mikoła Statkievičy — adnapartyjcy. Jana padzialaje sacyjał-demakratyčnyja pohlady muža, udzielničaje va ŭsich jahonych palityčnych kampanijach. Nie hladzić seryjałaŭ i pa-majstersku hatuje sałatki, jakija tak lubić jaje muž. Viaža šaliki i škarpetki, a paru hod tamu padaryła mužu švedar, zrobleny ŭłasnaručna. Hanarycca, što praca palityka nie zaminaje sp.Statkieviču być kłapatlivym supruham i zastavacca ramantyčnaj asobaj. «Jon uvieś čas doryć mnie kvietki, — chvalicca spn.Valancina. — Skupaje i prynosić jakija tolki možna, ad tulpanaŭ da archidejaŭ».
Śviatłana Labiedźka
Śviatłana i Anatol Labiedźki razam vučylisia ŭ instytucie: «Kab mnie niechta na pieršym kursie skazaŭ, što na piatym ja vyjdu za Anatola, ni za što nie pavieryła b! Tady zdavałasia, nu što ŭ nas moža być supolnaha?»
U šlubie Labiedźki 20 hadoŭ. Lider AHP, niahledziačy na šalony temp žyćcia, nie zabyvaje štoranak hatavać dla žonki kavu. I niaredka pierad pryniaćciem važnych rašeńniaŭ prosić u jaje parady.
Spn.Śviatłana — nastaŭnica anhielskaj movy. Tamu šmat času joj davodzicca pravodzić za vučnioŭskimi sšytkami. Addaje pieravahu aktyŭnamu adpačynku. Ciapier bolš za ŭsio maryć, kab ź siamjoj vybracca na łyžy, «ale ž muža amal nikoli niama ŭ chacie!».
Ina Kulej — žonka Milinkieviča
«Moj muž moža zładzić dla mianie viasnu choć u lutym! — raspaviadaje spn.Ina. — Na Dzień Śviatoha Valancina jon źjaviŭsia z ahromnistym bukietam žoŭtych tulpanaŭ, z cełym achapkam. I adrazu stała tak ciopła!»
Zachapleńnie žyćcia dla Iny Kulej — zvanočki. U kalekcyi ich bolš za sotniu — siabry viazuć ich dla jaje z usich krainaŭ śvietu. Adnak ulubiony — kieramičny biełaruski zvanočak, zrobleny ŭ vyhladzie varony z šyroka raspluščanymi błakitnymi vačyma.
Fatahrafii hladzicie ŭ papiarovaj i pdf-versii hazety "Naša Niva"
Ciapier čytajuć
«Chaču ŭziać intervju» — «Nie» — «Davajcie ja vas sfatahrafuju» — «Nie». Bialacki raskazaŭ pra sustreču ŭ kałonii z Pratasievičam9
Kamientary