«Niama lepšaj reklamy dla krainy»
Zhurtavańnie biełarusaŭ śvietu «Baćkaŭščyna» rychtuje IV Źjezd biełarusaŭ śvietu. Temu forumu, što projdzie ŭ Miensku 16—17 lipienia, akreślili jak «Biełaruś dla dyjaspary — dyjaspara dla Biełarusi. Šlachi da kansalidacyi j raźvićcia nacyi». U arhkamitet źjezdu ŭvajšli jak žychary Biełarusi, tak i pradstaŭniki dyjaspary. Na pytańni «NN» adkazvaje sustaršynia arhkamitetu doktar Janka Zaprudnik (ZŠA).
«NN»: Čaho čakaje ad źjezdu biełaruskaja emihracyja?
Janka Zaprudnik: Pabyć na Baćkaŭščynie — tyja, chto pryjedzie. A tyja, chto nia zdoleje pryjechać, — pačuć pra Baćkaŭščynu i źjezd. Źjezd biełarusaŭ śvietu — rytuał, jaki maje i vialikaje symbaličnaje značeńnie, i praktyčnaje. Ludzi zaŭždy cikaviacca krajem, dzie naradzilisia. Źjezd, jaki adbyvajecca raz na čatyry hady, — heta svojeasablivy barometar, jaki dazvalaje ŭbačyć, u jaki bok my idziom, kudy ruchajecca Biełaruś.
«NN»: Jakija prablemy buduć uzdymać na źjeździe pradstaŭniki amerykanskaj emihracyi?
JAZ: Biahučaha dnia. Tyja, jakimi žyvie i Biełaruś, i śviet. Biełaruskaja prablema, jak ja čuŭ, staić na paradku dnia ŭ AAN: tam buduć abmiarkoŭvać pravy čałavieka ŭ Biełarusi, praces demakratyzacyi. Pradstaŭnica niamieckaha bundestahu Uta Capf taksama zajaviła niadaŭna, što Eŭropa pavinna praciahvać dyjaloh ź Biełaruśsiu. Tamu ja liču, što źjezd — heta jašče adna mahčymaść dyjalohu pamiž dyjasparaj i Baćkaŭščynaj.
«NN»: Pry jakich umovach — jak z boku samoj emihracyi, tak i z boku Radzimy — emihracyja mahła b akazvać bolšy ŭpłyŭ na padziei ŭnutry Biełarusi?
JAZ: Ciažka rabić niejki ŭpłyŭ, bo ŭ hetym nie zacikaŭlenyja biełaruskija ŭłady. Adzinaje, što my možam, — infarmavać suajčyńnikaŭ, spryjać pryjezdu siudy svajakoŭ, kab jany ŭsio ŭbačyli na svaje vočy. Voś niadaŭna my paspryjali, kab adna maładaja asoba — jana ciapier nastaŭnica — pryjechała ŭ Ameryku, pažyła tut, pavučyłasia.
Barždžej my možam upłyvać na svaich zakanadaŭcaŭ i orhany vykanaŭčaj ułady, infarmujučy ich pra Biełaruś i farmujučy ich staŭleńnie.
Poŭny varyjant čytajcie ŭ papiarovaj i pdf-versii hazety "Naša Niva"
Arkadź Šanski
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»21
Kamientary