Меркаванні1414

Пастка для Праляскоўскага

Міністр інфармацыі Праляскоўскі выступіў з заявай пра тое, што ў інтэрнэце не павінна быць беспакаранага ананімнага каментавання.

Што, маўляў, калі ў рэальным жыцці чалавек парушыў закон, ён павінен за гэта адказваць. І так, і ніяк інакш, павінна быць у віртуальным свеце.

Анлайн-выданні заўважылі, што літаральна такія ж прамовы надоечы штурхаў Лукашэнка ў інтэрв’ю агенцтву Reuters, і гэта дазваляе меркаваць, што нас у недалёкай будучыні чакаюць новыя заканадаўчыя абмежаванні ў сусветнай сетцы.

Я, шчыра кажучы, нават хацеў бы на гэта паглядзець, чыста з цікаўнасці.
Я нават не магу ўявіць сабе, на якую колькасць штатных і няштатных супрацоўнікаў КДБ і падобных «аддзелаў К» давядзецца завесці крымінальныя і адміністрацыйныя справы адразу ж, як толькі іх інкогніта будзе адкрытае.

Я вось нярэдка папісваў на сайт «Беларускі партызан» і нярэдка пачытваў, што ж там народ папісваў, у тым ліку ў каментарах, у тым ліку ў ананімных.

Чытаеш якога і думаеш: «Так памыляцца можна, толькі атрымаўшы адпаведнае заданне».
Адкрываеш дадзеныя акаўнта каментатара і бачыш: так, ананім, але! На сайце ён Х дзён, а каментароў паспеў панапісваць прыкладна… прыкладна 40 за суткі.

І такіх каментатараў там… Была ў мяне ў жыцці такая гісторыя. Неяк напярэдадні 25 сакавіка, Дня Волі, арыштавалі нас проста на чыгуначным вакзале, перад цягніком на Мінск, куды мы збіраліся ехаць, каб узяць удзел у мітынгу. Банальная, карацей, гісторыя.

А ў транспартнай «апорцы», куды даставілі нашу групу супрацоўнікі спецслужбаў у цывільным, стаяў такі натоўп такіх жа супрацоўнікаў такіх жа спецслужбаў у такім жа цывільным, што мы міжволі рот адкрылі: «Зашмат вас для адно вакзала».

На што кадэбэшнікі, весела смеючыся, адказалі: «А ты думаў?! Нас больш, чым людзей». Спрачацца з імі ў гэтым не было ні сэнсу, ні жадання: так, сапраўды, гэтай ноччу іх было і больш, і чым людзей.

Вось так і з гэтымі ананімнымі каментатарамі.

Яны паліваюць лайном усю апазіцыю і ўсіх нязгодных з нейкімі рашэннямі ўлады наогул. Іх мэта — дыскрэдытацыя ўсіх, хто нешта робіць супраць. Супраць рэжыму, супраць дурных і неэфектыўных рашэнняў. І іх таксама больш, чым людзей.

Але каб гэта выглядала больш эфектыўна, яны ж паліваюць лайном і сам рэжым. Каб больш пераканаўча. Маўляў, «многія супраць, так, улада не ідэальная, толькі тыя, хто супраць яе адкрыта выступаюць, яшчэ горшыя, таму хто, калі не ён?»

Але гэта толькі адзін з зацікаўленых бакоў… А акаўнты прыгожанькіх дзяўчат у сацсетках пад выдуманымі імёнамі, за якімі сядзяць моцныя дзядзькі — лаўцы гандляроў людзьмі і педафілаў?

Калі ўсе гэтыя хлопцы і прапусцяць момант прыняцця новых законаў, якія абмяжоўваюць ананімнае каментаванне, будзе вельмі цікава паглядзець, як Праляскоўскі будзе іх лавіць.

Чарговая нязбытная мара…

Каментары14

Генасамблея ААН прагаласавала за мір ва Украіне. Беларусь была супраць21

Генасамблея ААН прагаласавала за мір ва Украіне. Беларусь была супраць

Усе навіны →
Усе навіны

З раскошным відам на ваду. У сталіцы пачынае фармавацца новы мікрараён, першы дом хутка будзе гатовы6

«Аааа, нарэшце! Мы ўсё думалі, калі ўжо вашы суставы…» Севярынец расказаў, як яго мэтанакіравана мучылі ў зняволенні7

Лукашэнка абнавіў склад камісіі па памілаванні1

Маладая сям’я з Жодзіна расказала, як у чатыры разы скараціла выдаткі на ежу12

Ціханоўская звярнулася да ўкраінцаў: Мы, беларусы, ведаем, што такое Расія. Мы ведаем яе імперскія апетыты20

Маразы скончыліся. Ноччу было не ніжэй за тры градусы

«Калі Пуцін пойдзе на Нарву, мы пойдзем на вайну» — міністр абароны Швецыі1

У 2025 у Расіі апублікавалі на 40% больш некралогаў па вайскоўцах, чым у 202410

Жыхары дома ў «Мінск-Свеце»: Тэмпература ў пакоях — ніжэй за 18 градусаў, спім пад дзвюма коўдрамі5

больш чытаных навін
больш лайканых навін

Генасамблея ААН прагаласавала за мір ва Украіне. Беларусь была супраць21

Генасамблея ААН прагаласавала за мір ва Украіне. Беларусь была супраць

Галоўнае
Усе навіны →

Заўвага:

 

 

 

 

Закрыць Паведаміць