Сёньня прайшлі суды над затрыманымі ў панядзелак лідэрамі хрысьціянска-дэмакратычнага руху Паўлам Севярынцам і Аляксеем Шэіным. Сёньня, дарэчы, мусіла прайсьці іх сустрэча з пасламі Эўрасаюзу.
Сёньня ў судзе Фрунзэнскага раёну Менска прайшлі суды над затрыманымі ўчора лідэрамі хрысьціянска-дэмакратычнага руху Паўлам Севярынцам і Аляксеем Шэіным.
Шэіна судзілі першым, ён атрымаў 15 адміністрацыйнага арышту. Столькі ж адмералі і Паўлу Севярынцу. Хлопцам інкрымінавалі арт. 23.24 новы Адміністрацыйнага кодэксу: заклікі да правядзеньня несанкцыянаванай акцыі.
***
Нагадаем, што П.Севярынец і А.Шэін былі затрыманыя ў панядзелак а 20.30 на станцыі мэтро «Пушкінская» з прычыны таго, што маладыя людзі нібыта могуць мець «дачыненьне да нейкага кватэрнага крадзяжу».
Падчас агляду асабістых рэчаў у актывістаў былі знойдзены 150 асобнікаў агітацыйных матэрыялаў з інфармацыяй аб правядзеньні апазыцыйнымі сіламі 27 ліпеня акцый з нагоды гадавіны прыняцьця Дэклярацыі аб дзяржаўным сувэрэнітэце Рэспублікі Беларусь.
Сёньня, дарэчы, Севярынец і Шэін павінны былі сустрэцца з пасламі ЭЗ.
Цяпер чытаюць
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»7
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары