Канцылярыя прэм'ер-міністра Брытаніі абвясціла, што баранэсе Маргарэт Тэтчэр будзе арганізаванае цырыманіяльнае пахаванне з вайсковымі ўшанаваннямі.
Рашэнне арганізаваць урачыстае пахаванне было прынята са згоды каралевы Елізаветы II.
Маштаб жалобных мерапрыемстваў будзе толькі саступаць дзяржаўным пахаванням, якія ладзяцца толькі ў выпадку смерці членаў каралеўскай сям'і.Адзіным выключэннем з гэтага правіла было дзяржаўнае пахаванне Ўінстана Чэрчыля ў 1965 г.
Жалобная працэсія пачнецца ад будынка брытанскага парламента. Катафалк давязе труну з целам Тэтчэр да царквы Сэнт-Клемент-Дэйнс на Стрэндзе, дзе труна будзе па традыцыі перакладзена на лафет і дастаўлена ў сабор Святога Паўла, там і пройдзе паніхіда.
На ўсім шляху працэсіі па абодва бакі дарогі будзе стаяць ланцуг вайскоўцаў брытанскай арміі, флоту і ваенна-паветраных сіл.
На памінальную службу будзе запрошаны шырокі спектр персон і арганізацый, звязаных з лэдзі Тэтчэр, гаворыцца ў заяве Даўнінг-стрыт.Пасля паніхіды адбудзецца крэмацыя цела памерлай, куды будуць дапушчаныя толькі яе блізкія.
У апараце прэм'ер-міністра падкрэслілі, што ўся падрыхтоўка праходзіць у поўнай адпаведнасці з пажаданнямі членаў сям'і памерлай.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»5
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары