Дзяўчына з Гродна памерла пасля пластычнай аперацыі, праводзіцца праверка
Праваахоўныя органы праводзяць праверку па факце смерці 23-гадовай жыхаркі Гродна пасля перанесенай пластычнай аперацыі ў адным з буйных мінскіх камерцыйных медыцынскіх цэнтраў.
Паводле звестак БелаПАН, рынапластыка была праведзена ў канцы сакавіка, пасля чаго пацыентка трапіла ў кому, і знаходзілася ў гэтым стане каля чатырох тыдняў. Смерць наступіла 23 красавіка.
Як паведамляе тэлеканал АНТ, дзяўчыну спрабавалі выратаваць медыкі 4-й мінскай клінічнай. Юлія Кубарава была адзінай дачкой у бацькоў.
АНТ прыводзіць словы родных дзяўчыны, якія сцвярджаюць, што аперацыя доўжылася амаль тры гадзіны — замест неабходных 1,5-2 гадзін.Нібыта хірург з'ехаў адразу пасля аперацыі, анестэзіёлаг зазірнуў да дзяўчыны ў палату, патлумачыўшы, што будзіць яе не трэба — прачнецца сама. І таксама пакінуў ўстрывожаных бацькоў дзяўчыны. Ноччу медсястра цэнтра, не бачачы паляпшэння стану пацыенткі, выклікала лекараў, і дзяўчыну даставілі ў рэанімацыю 4-й гарадской клінічнай бальніцы Мінска.
Юлія скончыла факультэт Візуальнага дызайну і медыя ЕГУ, працавала дызайнерам. На старонцы дзяўчыны Укантакце змешчаны дзясяткі спачуванняў.
Цяпер чытаюць
За падпіску на каналы трэш-блогера Мэлстроя цяпер будуць караць1
Каментары