Установачнае інтэрвію расійскага пасла і камэнтар да яго былога намесьніка міністра замежных спраў Беларусі Андрэя Саньнікава.
Былы намесьнік міністра замежных справаў Беларусі Андрэй Саньнікаў пракамэнтаваў установачнае інтэрвію расійскага пасла Сурыкава.
«Амбасадар Сурыкаў, мабыць, забыў, што ён знаходзіцца не дзе‑небудзь у Алтайскім краі, а ў незалежнай Беларусі. Такія заявы, па‑першае, не ўласцівыя дыпламатам, а па‑другое, іх можна расцэньваць, як замах на суверэнітэт дзяржавы», — заявіў былы намеснік міністра замежных спраў Беларусі, міжнародны каардынатар Хартыі’97 Андрэй Саннікаў, каментуючы заяву расейскага амбасадара ў Беларусі Аляксандра Сурыкава пра верагоднасць размяшчэння ў Беларусі расейскіх ядзерных аб`ектаў. (Поўны тэкст інтэрвію расейскага пасла, зь якога можна зразумець, як у Расеі сёньня ўспрымаюць Беларусь і што для Расеі найбольш важнае, можна прачытаць тутака.)
У 1991‑1994 гады Андрэй Саннікаў удзельнічаў у перамовах па ядзерным раззбраенні Беларусі. На яго думку, расейскі амбасадар наўрад ці мог зрабіць такую заяву без санкцыі расейскага кіраўніцтва, а значыць, да гэтых заяў трэба ставіцца вельмі сур`ёзна. «Аж да перагляду статусу расейскіх вайсковых аб`ектаў на тэрыторыі Беларусі», — лічыць Саннікаў.
«Беларусь у свой час зрабіла важкі ўнёсак ва ўмацаванне міжнароднай бяспекі, прыняўшы на сябе абавязальніцтвы, як па звычайных, так і па ядзерных узбраеннях, і менавіта гэта можа служыць асновай для далейшага ўмацавання нашай бяспекі. Становіцца відавочным, што знайсці гарантыі бяспекі можна толькі ў еўрапейскім кантэксце, больш дакладна, у еўраатлантычным. Расея чарговым разам пацвярджае, што з'яўляецца для незалежнай дзяржавы крыніцай паніжэння бяспекі, як энергетычнай, так і ваеннай», — адзначае Андрэй Саннікаў.
У той самы час, адзначае міжнародны каардынатар Хартыі'97, у рамках Еўрапейскага Звязу гэтыя пытанні з`яўляюцца прэрагатывай кожнай асобнай дзяржавы. І калі няма згоды дзяржавы і няма агульнай згоды Еўразвяза, то сцэнар размяшчэння вайсковых баз або вайсковых аб`ектаў на тэрыторыі краін‑сябраў ЕЗ не можа быць рэалізаваны.
«Адмовіўшыся ад магчымасці размяшчэння ядзернай зброі на сваёй тэрыторыі на пачатку 90‑х гадоў, Беларусь не толькі зрабіла важкі ўнёсак у міру ва ўсім свеце, але і вывела сябе за дужкі магчымага супрацьстаяння ядзерных дзяржаў — Расеі і Злучаных Штатаў. Цяпер жа словамі вышэйшага прадстаўніка Расеі ў Беларусі, амбасадара Сурыкава гаворыцца пра магчымасць ўцягвання нашай краіны ў канфрантацыю і гонку ўзбраенняў, якія зноў азначыліся», — лічыць дыпламат.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню61
Каментары